Supper Moment 〈說再見了吧〉MV 導演張傑邦專訪

撰文:
最後更新日期:

Supper Moment 最新MV〈說再見了吧〉,在Youtube推出了六日,觀看次數已經超過14萬,大家都紛紛討論MV,究竟是不是真正的一鏡過?成員怎樣極速轉裝?為何倒鏡時,Sunny唱歌又會「啱口形」?

扭耳仔為了滿足大家同自己的好奇心,於是,找來〈說再見了吧〉MV的幕後主腦,導演張傑邦,為大家透露更多製造花絮同創作概念!

拍之前一日,有一個 rehearsal day,就係安排每一位 sidecast 嘅動作同埋走位,所以拍之前一日要全部人 rehearsal 好幾次。
導演張傑邦

導演手畫的拍攝場地平面圖

〈說再見了吧〉MV採用長鏡頭 (Long Take)方式拍攝,即外間俗稱的「一鏡過」,用一個鏡頭貫穿整個場境,增加真實性和觀眾的代入感,所以對鏡頭移動及演員的走位的要求非常高。

導演張傑邦,在拍攝前首先要繪畫好整個場地的平面圖,每個演員走位及動作的筆記。因長鏡頭拍攝,沒有傳統的分鏡圖「storyboard 」,導演及攝影師要因應場地空間及演員各種即時反應「執生」,當中只要發生一個小錯誤,整個鏡頭就要重頭來過!

來看看導演的筆記,就可以領略到當中的複雜程度。

點解會有倒轉拍嘅概念?係因為想佢哋四位有一個時光倒流,返返去之前,睇返過去一啲回憶嘅畫面,所以拍攝時先會想佢哋倒帶做動作然後其他人順拍。
導演張傑邦

Sunny「一秒換衫」,其實是兩個時空的交替位。

〈說再見了吧〉MV分為兩個時空,由兩段長鏡頭組成,即是說整個MV只是剪了一刀,亦是大家思考Sunny如何「一秒換衫」的那個位置,其實就是兩個時空交替的「接駁位」。

導演張傑邦:「點解會有倒轉拍嘅概念,係因為想佢哋四位有一個時光倒流,返番去之前睇返過去一啲回憶嘅畫面,所以拍攝時先會想佢哋倒帶做動作然後其他人順拍。最後再將第一部分掉轉播出嚟嘅時候就會變成其他人倒轉時間而佢哋係順住時間,做到順着回憶時光倒流嘅效果。」

而第二部份的時空,一切都是順序播放,就如倒帶後的錄影帶,再次按動播放掣。逐格欣賞,再拍照作留念,之後你就要學懂瀟灑放下。

導演自行翻譯的倒轉歌詞

Supper Moment主唱Suuny為了要在倒行的時空下「夾啱嘴型」,導演給了他這段「冰島話」!

導演張傑邦:「拍攝之前要將Sunny 會倒轉唱嘅嗰段歌詞用電腦將隻歌倒轉,然後再近鏡拍一個唱緊倒轉歌詞嘅嘴型 video 俾Sunny去聽熟睇熟咀型。再寫番類似嘅 '歌詞讀音' 比 Sunny 容易記得練習。」

第二部份每當鏡頭過左佢哋每一位嘅時候,佢哋就要即刻換衫。
導演張傑邦

為了快速換裝,成員的便服look都是以覆蓋為主。細心「摩擦」,可發現內裡的黑色衫。

MV第二部份的時空,Supper Moment成員在短時間內由便服變回黑色西裝,是如何做到呢?

導演張傑邦:「第二部份每當鏡頭過左佢哋每一位嘅時候,佢哋就要即刻換衫。相對來講阿雞同ck佢哋兩位有較多時間換衫,因為鏡頭第一, 第二個係影佢哋。阿達比起Sunny都較為多時間,Sunny係最少時間換衫嘅一個。所以衣着方面 stylist 準備咗一啲比較容易著容易除嘅衫比佢地,換衫嘅時候就可以容易啲快啲。再用鏡頭去就位就時間,就做到現在呢個效果。sidecast 其實喺 MV 上好多時候都要好快地離開或者匿埋, 舉個例子好似第二部份佢哋四位換衫嘅時候其實 sidecast 都要即時離開現場,所以拍之前一日要全部人 rehearsal 好幾次。」

自細就好鐘意拿著DV機,自製電影特效!

張導演已經不是第一次挑戰高難度的長鏡頭拍攝,其實stop-motion也是他的拿手好戲,在竇靖童的〈May Rain〉MV更運用了長鏡頭加VR技術,絕對令人嘆為觀止,一起重溫導演張傑邦歷來的精彩MV。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。