撰文：蘇煒然
出版：更新：
街拍很易，因為香港的街道繁華熱鬧；街拍很難，因為一切來得太快也去得太快。自2012年春天，拿著殘舊的Leica M6菲林相機，資深攝影記者何少忠（Billy Ho）一次又一次把瞬間定格，輯成《過路人》作品，並於今年5月9日至5月23日於中環藝穗會展覽。「有啲人嘅衣著動作好有戲劇性！你一定見過，所有人都會見過。」Billy每逢放假就會去到街頭拍攝，毋須精心的策劃，亦不必複雜的計算，只靠野獸般，與生俱來的直覺，將著名攝影師Garry Winogrand的格言貫徹實踐，一心追求攝影的刺激與驚喜。攝影：©何少忠（照片由受訪者提供）撰文：蘇煒然
工作內外，Billy都很喜歡觀察身邊的人和事，對他來說香港街頭是一個攝影題材的寶庫。「有啲人嘅衣著動作好有戲劇性！你一定見過，所有人都會見過。」Billy如是說。©何少忠（照片由受訪者提供） 香港街頭熙來攘往，確是街拍的好地方。在2012之後的兩年，Billy一有假期就會流連街上，拿著相機拍攝。「你搵到一個方向係好重要。如果唔係，你影一兩影就會停。咁今次好彩畀我搵到，可以不斷咁影，一影影左兩年。」©何少忠（照片由受訪者提供） 一講起街拍，相信大多數人心裡都會擔心，拍攝時會不會遇到不友善的人，會被喝罵、甚至暴力相向。連Billy都說「我預咗有人埋嚟，我都準備左啲相，話比佢聽我做緊呢件事」。不過所幸的是類似的事件極少發生「路人嘅反應唔大，同我地以為嘅係有少少分別」。©何少忠（照片由受訪者提供） Billy很喜歡這張相片，相中人物的表情、動作、衣著都有很多的想像空間，下一刻仿似有無限可能。然而Billy說「其實我果一刻睇唔到咁多野。影咗出嚟先見到，你唔影出嚟就未必知」。©何少忠（照片由受訪者提供） 很多人把街拍看得很深奧很困難，Billy說大家想得太多了，「個instinct（天性）好野獸架，你覺得ok咪撳（快門）囉，跟住再睇下得唔得」。貫徹實踐著名攝影師Garry Winogrand所講"I photograph to find out what something will look like photographed”。©何少忠（照片由受訪者提供） 《過路人》的作品基本上都是用一部殘舊不堪的Leica M6拍攝，舊相機功能欠奉，連測光功能都壞了，然而Billy卻認為是這是簡單的美學。「機械機好簡單，光圈、快門、構圖，冇得搞其他呢樣果樣。咁你仲可以做啲咩？就係望其他野，集中精神去觀察」。©何少忠（照片由受訪者提供） Billy主要是用Kodak Tri-X、T-Max菲林拍攝，記者問總共拍了多少筒，他回答說「冇數呀…100筒以下啦」。雖然Billy口稱拍得不算多（以攝記標準的確只是小數目）但菲林價錢加上沖曬費用，仍然是一筆可觀支出。©何少忠（照片由受訪者提供） Billy並不是抗拒數碼攝影，亦認同數碼相機功能強大、影像細緻。但他指出一個致命缺點：Shutter Lag快門的反應。至少在2012年Billy尚未找到一部滿足到要求而又經濟實惠的數碼機，反而菲林相機以機械操縱的快門做到一按即拍。©何少忠（照片由受訪者提供） Billy去到香港不同的地方拍攝，不過最喜歡的是中環皇后大道中一段，以及尖沙咀廣東道。他說皇后大道中最多機會遇到不同的人，「有錢人啦、著西裝嘅人啦、著住制服嘅人、阿叔阿伯都會係果到經過」至於廣東道「多遊客，同時間有好多本地人，又係一個好豐富好刺激嘅地方」。記者多口問及旺角一帶，Billy卻說「旺角只係一、兩次，果到嘅人物畫面反而無咁豐富，少啲變化」。©何少忠（照片由受訪者提供） 在2012年2014年間，每逢放假的日子，Billy就會走到皇后大道中或者廣東道拍攝，「行一個上晝之後食飯，跟住又再行」。如此一來，一天之中在皇后大道中徘徊只怕都有 50 次吧？「我諗唔只！」Billy說。©何少忠（照片由受訪者提供） 《過路人》作品將於中環藝穗會展出，Billy一共挑選了50張作品，初步預想會以6-7張為一組，按人物、動作、衣著來分類。©何少忠（照片由受訪者提供） 作品在Billy的Facebook已經發布過，但始終實體相片更具魅力，再加上受到相識已久的朋友影響，Billy於是決定舉行攝影展覽。今次在藝穗會進行，比當初預想的規模更大，Billy形容是「泥足深陷，搞大咗」！©何少忠（照片由受訪者提供） 「好多時你影左張相出嚟，你唔會鍾意，十居其九都係」Billy說。「你久唔久係兩三筒菲林入面搵到一張好鍾意嘅，果個咪比你嘅動力囉。如果十筒入面都冇，你就會停；咁我仲搵到，所以仲會繼續」。©何少忠（照片由受訪者提供） Billy邊走邊看，正入神檢閱攝影作品，引來途人的好奇心。Billy全名何少忠，1990年於浸會大學傳理系畢業，旋即成為報館的全職攝影記者，一做做了27年。其《過路人》攝影展覽將於5月9日至5月23日（星期日休息）於中環藝穗會陳麗玲畫廊展出，免費入場。（蘇煒然攝） 
