細細個食飯睇電視，阿媽成日話電視汁都撈埋。所謂的電視汁意指廣告，兒時耳熟能詳的廣告全靠一首洗腦的廣告歌，經典的廣告歌經得起時代變遷，時至今日，你記得的尚有幾多首？年尾樂壇頒成績表，我們贈慶來個「食品廣告金曲十大」，懷舊口痕唱兩嘴推介。（圖片：Youtube截圖）

「維他朱古力奶」1986年│（旁白）維他朱古力奶，點解咁好味？（唱）如果太多牛奶味，朱古力味冇埞企，等到朱古力味返返嚟，牛奶味又唔爭氣。（旁白）維他朱古力奶，有牛奶味又有朱古力味。（唱）啱味，啱晒你！（圖片：Youtube截圖）

「瑞士糖」1986年│瑞士糖，表心思，瑞士糖，表敬意。賀新年，食瑞士糖，家家令你心花放！（口號：收到瑞士糖，人人心花放）（圖片：Youtube截圖）

「金龜嘜萬里望花生」1988年│金龜嘜萬里望花生，少少鹹，多多脆！飲番杯一定要食佢！金龜嘜萬里望花生，Very Good！卜卜脆！任何場合都要佢！金龜嘜萬里望花生，夠甘香！卜卜脆！試一包包你鐘意佢！（圖片：Youtube截圖）

「東東雲吞麵」1991年│東東麵，麵麵麵麵麵麵麵麵麵麵，東東麵 係非常麵。(Rap：鮮蝦雲吞好新鮮，菜肉雲吞認真掂)，湯麵撈麵 (品格牛腩麵)，全部靚麵 (沙嗲牛仔肉撈麵)，炸醬撈麵拉麵物麵三口六面人人見面話東東麵係好正麵，確~~係(東東東東東東)靚麵。（口號：東東雲吞麵，密食當三餐）（圖片：Youtube截圖）

「明治朱古力橡皮糖」1993年│朱古力邊一種內裡包起橡皮糖果？中間心的果味令你好清爽。朱古力邊一種會有新感覺？請記住明治，Meiji。請記住明治，Meiji。朱古力，橡皮糖！（圖片：Youtube截圖）

「萬樂珠」1993年│事事學會轉彎，思想清新至啱，有Mantoes伴你過千關。無愁無懼畏，永遠也冇失威，有Mantoes伴你冇得揮！Fresh感覺，夠晒醒覺，Fresh感覺食Mantoes自在又愉快。（口號：萬樂珠，The freshmaker）（圖片：Youtube截圖）

「三生牌鹿茸大補酒」1994年│三生牌鹿茸大補酒，係男女強身嘅妙品，妙品！（圖片：Youtube截圖）

「時興隆」1996年│曾同度過漫長的歲月，關心你每處為你看多一點。時日度過亦全不變樣，天天有你伴我創造美好。時興隆與你，共享昨天今天明天。（口號：伴你成長時興隆，美食盡在不言中。）（圖片：Youtube截圖）

「出前一丁」1999年代│出前一丁麻油麵，出前一丁麻油麵，出前一丁麻油麵，出前一丁麻「牛」麵丫唔該。無得買喎！（唱：家家食出前一丁，有美味有歡笑！）（圖片：Youtube截圖）

「榮華臘腸」2007年│榮華臘腸，家家讚賞。元朗自設嘅大工場，生哂原味靠晒個太陽。充滿陽光嘅榮華臘腸，食落就知甘香。榮華臘腸，天然生曬。（國語口號：零舍不同）（圖片：Youtube截圖）

【出賣年齡】那些年的聖誕新年禮物　回憶5大節日賀禮糖果【出賣年齡】要消失的何止廚師腸？盤點13種已成集體回憶的零食！【出賣年齡系列】網友票選　一人一間曾經熱爆但風光不再的餐廳