【阿姆斯特丹.手信】荷蘭五款經典手信 有煎餅、芝士、大麻糖...

撰文:
最後更新日期:

去荷蘭阿姆斯特丹一定會到博物館區遊覽,或者去風車村欣賞風吹草低見牛羊。看完美麗風景後,不要忘記做一件遊客最重要的事:買手信!來到荷蘭記得記得留意依幾款手信,有款更含有「天然草本植物」成份嘅零食,食咗唔知有無化學反應呢 :)

荷蘭焦糖煎餅

喜歡甜食的朋友不可錯過這款甜絲絲的荷蘭煎餅(Stroopwafel),相傳有200多年歷史的荷蘭煎餅,混合了麵粉、忌廉、紅糖、酵母、牛奶和雞蛋,再烤到金黃脆身。雖然這款煎餅今天變成遊客必買的手信,但原來在19世紀時它被稱呼為「窮人蛋糕」,因為其製作過程和材料都很簡單,成本低廉變相窮人都吃得起。後來在荷蘭手信之都「Gouda(豪達)」開始成為手信店的貨品,街頭市集都買得到。

荷蘭煎餅除了包裝成袋裝手信,更可以在當地街頭親身嘗試即烤即製的熱辣辣煎餅,通常煎餅會切成兩半,中間鋪上紅糖、忌廉、肉桂及糖漿,再烤到脆身。但因煎餅甜度高,吃太多變得過膩,所以荷蘭人會將煎餅搭配熱咖啡或茶一起吃,讓熱咖啡將糖漿融化,成身一頓簡單又方便的早餐。

按下圖看更多:

荷蘭芝士

阿姆斯特丹街頭有很多芝士店,而通常芝士店老闆都非常大方讓客人試食。而走過 Anne Frank House 安妮之家附近,有一間店面特別亮眼的芝士店「Amsterdam Cheese Museum」,在門外就有隻黑白牛牛雕塑,一眼就認出。雖然店名有「Museum」這個字,不過內裡並非博物館而是一家賣芝士的店舖而已,有店內可以試食不同款式種類芝士,吃到啱口味先買走。

 

在店內木架上可見到大圈芝士,有散裝買返屋企嘅唔駛擔心。

+5
+4
+3

Amsterdam Cheese Museum

地址:Prinsengracht 112, 1015 EA Amsterdam , The Netherlands

荷蘭 Starbucks 杯

去到邊都一定要到Starbucks,好似世界性語言。來到荷蘭嘅Starbucks當然要買這款荷蘭地方限定咖啡杯,分為(EUR12.95,約$118)Netherlands版及Amsterdam版,有咖啡杯及玻璃杯兩款,雖然款式一定唔夠日本、韓國、台灣等亞洲城市咁多款﹛但當作到此一遊紀念杯都不錯呀。

 

玻璃雙杯套裝 (EUR10.5,約$96)

荷蘭專屬日用品專門店 Etos

去到荷蘭就會見到梗有一間係左近嘅連鎖藥妝店Etos,就像香港的屈臣氏、萬寧一樣,Etos會出產自家品牌的美容彩妝品、護膚產品、衛生用品、洗頭水、沐浴露,甚至M巾、避孕套等等都有得買。雖然你可以話日用品洗乜咁遠買,但Etos出品價錢實惠又係荷蘭獨有,絕對係買畀同事/朋友首選,實用又唔肉痛嘛。

認住荷蘭獨有日用品專門店 Etos,1919年已經開業喇。

+10
+9
+8

大麻成份零食

And last but not least !最多人對荷蘭為之好奇嘅,仲有「大麻」這樣東西。當然啦,在荷蘭當地吸食大麻是合法的,遊客千萬千萬千萬 (要說3次)不要帶大麻離境,屬違法行為!但係咁,如果你到遊客區見到好多手信店都有售「大麻」 珍寶珠、曲奇、朱古力、茶包、口香糖等等,就可以合法地帶出荷蘭境外的,也可以當做手信 ( 部份產品甚至其實不含大麻,只是印有大麻圖案/包裝設計而已),如果你好想誠邀朋友合法地嘗試一下,也不能錯過。

 

在Amsterdam遊客區有不少這些充滿「大麻」風情的店舖,放心這些店不售大麻,只售手信及其他吸食工具,入去睇睇當開眼界。

+8
+7
+6


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。