【韓國.紅葉攻略】首爾、江原道五大賞楓勝地 自由行打卡必去

撰文:
最後更新日期:

九月至十一月係韓國賞楓最佳時間,而且秋高氣爽,特別適合一家大細、男女朋友、三五知己結伴同遊~無論去首爾市區,抑或釜山濟州江原道,度度都係賞楓熱點,準備攻韓嘅你就要睇下KKday為你整理左嘅韓國賞楓攻略!今個秋天韓國有邊五大地區賞楓聖地一次打包!

一、 韓國賞楓地:首爾市

#情侶放閃——德壽宮石牆路

德壽宮石牆路係出名嘅情侶拍拖勝地,由首爾市廳對面嘅石牆路開始行到貞洞劇場,全長九百米,沿路楓樹同銀杏樹交錯,紅黃交替令秋日氣息更加濃厚,難怪咁受情侶歡迎!

德壽宮內(VCG)

地址:首爾市中區貞洞 5-1

交通:地鐵1號線市廳站 2號出口,2號線市廳站12號出口→徒步約3分鐘

附近景點: 德壽宮、 德壽宮美術館、 首爾市立美術館、 慶熙宮、 貞洞劇場

德壽宮石牆路

#文青必到——三清洞路

賞楓當然唔係情侶專利啦~作為一個文青,一定要去充滿文藝氣息嘅三清洞路!由景福宮石牆路行到三清公園,沿路有雅緻嘅小畫廊同特色小店,所以又叫做「畫廊之街」。另外,三清公園係熱門嘅韓劇取景地點,無論你有無另一半都要去影張靚相留念。

賞楓當然唔係情侶專利啦~作為一個文青,一定要去充滿文藝氣息嘅三清洞路!(VCG)

地址:首爾市鍾路區三清洞

交通:地鐵 3號線安國站 1號出口出來後,往鍾路文化院方向前進,徒步約6分鐘

附近景點:國立民俗博物館、 景福宮、 三清公園、 青瓦臺前道路、 青瓦臺舍廊房、 北村韓屋村、 北村美術館、 貓頭鷹博物館

三清洞路

#首爾居民後花園——南山

沿住南山步道一路行,可以欣賞滿山楓葉。如果黃昏時分開始行,由南山圖書館開始步行大概十分鐘,可以望到南山N首爾塔,喺展望台嘆杯咖啡,再睇埋首爾夜景就perfect啦~

地址:首爾龍山區厚岩洞

交通:地鐵4號線忠武路站4號出口→前面公車站搭乘首爾02號黃色循環公車(約需20分鐘)至南山圖書館下車

附近景點:N首爾塔、南山戶外植物園、德國駐韓文化院、南大門市場、南山谷韓屋村、韓國之家、獎忠洞豬腳街、明洞

首爾龍山區厚岩洞

#市區中的樂土——天空公園水杉道

天空公園係世界盃公園其中之一,水杉道長900米,有茂密嘅樹林、金黃嘅芒草,仲有銀杏同楓葉,散步嘅時候十分涼爽。天空公園裡面幾乎冇人工設施同商店,令公園大自然融為一體,但遊客就要事先準備好飲品同零食。

地址:首爾市麻浦區上岩洞

交通:地鐵6號線世界盃體育場站 1號出口出來,往天空公園方向步行約13分鐘

附近景點:世界盃公園、蘭芝漢江公園、首爾世界盃體育場

天空公園水杉道

二、 韓國賞楓地:江原道

#異國情懷——南怡島

講南怡島你未必知喺邊,但係「小法國村」你就一定聽過。喺「小法國村」附近嘅南怡島,因為「冬季戀歌」而深受遊客歡迎,除左浪漫雪景之外,每逢秋天更會變成一整片紅色樹林,無敵靚!另外,道地春川炒雞亦係小編真心推薦!

韓國南怡島(資料圖片)

地址:京畿道加平郡加平邑北漢江邊路1024

交通:首爾地鐵京春線加平站出口後,可選擇搭乘計程車或循環公車到南怡島渡口,在搭乘渡輪就可以抵達南怡島

附近景點:小法國村、晨靜樹木園、春村辣炒雞排

南怡島

#登山者挑戰——雪嶽山

韓國有好多出名嘅國家公園,同時係登山賞楓嘅好去處。雪嶽山係每年韓國楓葉最早轉紅嘅地方,吸引唔少遊客,而且有好多登山路線可以挑戰,鐘意一邊做運動一邊睇風景嘅不妨一試。

韓國雪嶽山(VCG)

地址:韓國江原道麟蹄郡

交通:搭乘市區公車7或7-1號,至終點站雪嶽山小公園站下車

附近景點:權金城、神興寺、飛仙台

雪嶽山

三、慶尚北道(慶州)、慶尚南道(釜山)

#世界文化遺產——慶州佛國寺

佛國寺係1995年列為世界文化遺產之一,寺內有七件韓國國寶,包括多寶塔、釋迦塔、藍雲橋同兩座金銅大佛等等。佛國寺歷史悠久,而且風景優美,唔只受遊客歡迎,亦吸引韓國佛教徒參拜。雖然慶州距離釜山有一個鐘車程,不過風景咁靚,絕對值得啊!

韓國慶州佛國寺(VCG)

地址:慶尚北道慶州市佛國路385(進峴洞)

交通:可搭乘KTX到新慶州站後,轉乘700號公車抵達佛國寺站

附近景點:天馬塚、國立慶州博物館

慶州佛國寺

#洗滌心靈之旅——釜山梵魚寺

鐘意參觀寺廟但時間唔夠?梵魚寺號稱釜山第一古寺,係秋天去釜山賞楓嘅好選擇!梵魚寺唔算大,而且遊客唔多,適合想靜靜地放鬆身心嘅你~

地址:釜山市金井區梵魚寺路250(青龍洞)

交通:釜山地鐵1號線梵魚寺站5、7號出口後,往兩個出口中間的路口走約五分鐘,到三信交通巴士站搭乘90號循環公車

附近景點:釜山大學商圈、西面站周邊

釜山梵魚寺

四、全羅北道

#山巒起伏——內藏山

內藏山係韓國第八座國家公園,名稱意思係「山內所藏無窮無盡」,除咗有延綿不絕嘅山巒,仲有壯觀嘅瀑布!秋天開始,山頭變成火紅色,每年都吸引世界各地嘅遊客!

韓國內藏山(VCG)

地址:全羅北道井邑市內藏洞 、全羅南道長城郡北下面白羊路

交通:地鐵3號線高速巴士客運站→到Centralcity客運站,搭乘往井邑方向巴士→抵達井邑巴士客運站,轉乘市內巴士171號,在內藏山站下車

附近景點:水杉林蔭道、珍島神秘海路

內藏山

五、濟州島

#人間仙境 — 漢拏山國立公園

傳說係好耐好耐以前,有神仙騎住白鹿去到漢拏山,所以又叫做「白鹿潭」。漢拏山係韓國第一高山,平日已經有唔少行山人士挑戰,去到秋天有楓葉睇就更受歡迎~

地址:濟州濟州市海安洞

交通:在濟州市外巴士站,搭乘 1100路公車

附近景點:牛島海洋道立公園、中文海水浴場、山茶花之丘

漢拏山國立公園

雖然講到楓葉第一時間會諗到日本,但其實韓國都有唔少選擇咖~如果唔想幅相充斥住路人甲乙丙丁,今年秋天一於去韓國賞楓啦!

【本文獲「KKday」授權轉載。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。