深水埗一日遊5大推介 文青cafe歎蛋糕、探貓店長|香港好去處

撰文:
最後更新日期:

講起深水埗,你可能會諗起鴨寮街或者布藝市場棚仔,不過近年深水埗竟然變成文青聚集地?近年不少藝文小店、精品雜貨店、文青cafe進駐深水埗,令這個舊區開始變得更有活力!《香港01》旅遊記者規劃深水埗文青一日遊行程,由早逛到晚,包括逛唱片鋪、歎咖啡美食、睇展覽,仲有睇玩貓,包保你玩到樂而忘返!

【第1站】🐱 探訪貓貓店長Lala @Storerooms

Storerooms是一間有名的精品雜貨店,由旺角西洋菜街一間樓上鋪搬過來深水埗地鋪,店外有一張木質長椅,旁邊有一棵小型檸檬樹,玻璃窗上更印有一隻招財貓!不過數到最有名的一定是「明星店長Lala」,Lala其實是一隻貓,個個都搵佢合照,是名副其實的小店長!除了賣精品雜貨,Storerooms不時舉行小展覽,最近就有《魔女の宅急便》展覽!👇👇👇

Storerooms

地址:深水埗大南街172-174地下

網站:www.storerooms.hk

【第二站】☕ 大南街文青cafe

深水埗大南街是最多文青店鋪進駐的街道,包括兩間高質咖啡店、展覽場地,其中一間更是近幾個月開幕,外面看起來整間店都是純白色,可算是深水埗中難得一見的「一抹白」!

【1】☕ 簡約風白色咖啡店@Coffee of the Day

簡約風純白色coffee shop,店面較細,提供的座位不多,藝術感十足的白色正方體椅子約坐到3、4個人。另外水泥地板、綠色盆栽有一種清新之感。咖啡店現時有咖啡及季節限定特飲,例如Coffee Tonic、夏季限定的檸檬梳打、西柚梳打等,清爽又解渴。想知這裏的咖啡有咩特別?按下圖即睇☕☕

Coffee of the Day

地址:深水埗大南街172-174號地下B號舖

營業時間:星期一至日  11:00 - 19:00

【2】☕簡約風cafe芝麻豆腐蛋糕最人氣@Openground

走簡約風的cafe兼展覽場地Openground,黑白色的裝潢加上綠色盆栽做裝飾,底層是文青風格的cafe,上層可以參觀不時更新的展覽,食完甜品就可以上去欣賞藝術品。Openground最出名的是用玻璃瓶裝的冷萃咖啡、芝麻豆腐蛋糕、生朱古力蛋糕等。按下圖即睇芝麻豆腐蛋糕有幾正☕☕

Openground

地址:深水埗大南街198號地舖

電話:3974 5098

【第三站】🎨 獨立藝術空間@Parallel Space

身為展覽空間的Parallel Space與Openground只是一鋪之隔,食完蛋糕再去睇展覽非常方便!Parallel Space經常舉辦藝文活動、攝影展或工作坊,今個月就舉辦「香港定格」新書發表及畫展!按下圖即睇過往有咩展覽👇👇👇

Parallel Space

地址:深水埗大南街202號

【第四站】🎧 逛獨立唱片店@White Noise Records

大南街仲進駐一間有16年歷史的獨立唱片店,雖然經過多次搬遷,但仍然屹立不倒!唱片店仲要是地鋪真係好少見!唱片店主要賣外國樂隊的唱片,想搵黑膠唱片、卡式帶,近代的CD唱片都有,喜歡獨立音樂的你不要錯過!就算你不愛音樂,記者都建議你欣賞下店內的裝潢及氛圍!👇👇

White Noise Records

地址:深水埗大南街199號地下

電話:2591 0499

😍😍😍 同場加映:睇《降魔的》遊金魚街歎美食 太子8大美食推介 必試臭豆腐/芋圓 😍😍😍

由大南街向太子方向行,其實都有唔少美食,包括遠近馳名的臭豆腐、炸大腸,記者同事食過都極力推介!另外仲有手工芋圓糖水,三色芋圓最高人氣。鍾意食新潮美食的就可以去試試創意麵包小店,連北京烤鴨包都有得賣!按下圖即睇同太子有咩必食😋😋

香脆臭豆腐、炸大腸@美味食店

全香港最好食的臭豆腐!臭豆腐是經典街頭小食,不少人都覺得這間臭豆腐好高質,未行過去已經聞到勁大陣香味。臭豆腐味道超香濃,不過最重要都係個醬,記得一定要加齊全部醬先最好食!網民話一定要加一種醬先好味!按下圖即睇咩醬先正、炸大腸有幾正 👇👇👇

太子又點止咁少美食,立即點擊內文👉👉睇《降魔的》遊金魚街歎美食 太子8大美食推介 必試臭豆腐/芋圓



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。