港人斥康文署恐龍裝置好嘈 質疑騷擾學生上堂 網民：校長都未出聲
撰文：奶蓋弟弟
出版：更新：
最近康文署推行「花悅滿城」計劃，其中一環正是在各區擺放恐龍裝置，供大眾齊齊去打卡。不過有人歡喜有人怨，有市民在社交媒體上斥恐龍裝置聲音好滋擾，甚至騷擾到隔離兩間學校學生上堂，貼文一出，更引起不少討論聲音！
港人話康文署隻恐龍裝置好嘈 騷擾學生上堂 網民:校長都未出聲
「花悅滿城」計劃中，康文署在香港4區擺放恐龍裝置，其中擺放劍龍裝置的東昌街體育館，便引起了眾多市民熱議。有市民在社交媒體Facebook群組「大埔 TAI PO」中發文指：「今日見到東昌街體育館放咗隻恐龍，但不停叫，叫聲都幾大，其實都幾騷擾隔離兩間學校啲學生上堂。」引起不少迴響，短短一日便引來近千個讚好、逾百個回應！
好食玩飛Instagram官方帳號開咗喇！請Follow我哋：https://bit.ly/38tlS4l
（圖片來源：Facebook群組「大埔 TAI PO」）
網民回應貼文「戥恐龍唔抵」，笑指「做人難，做隻膠龍更難」之餘，又認為「我屋企樓上裝修仲嘈」、「學校日日打鐘嘈住隔離啲街坊，可唔可以唔打鐘？」。亦有網民稱「人地學校都未投訴呀」、「你係咪加（迦）密柏雨（東昌街體育館旁學校之一）校長」，認為不應拉學校落水。
+1
東昌街體育館的恐龍擺設，其實已引來不少市民朝聖。有曾到訪的網民質疑樓主講法：「去過又唔覺得大聲」，更有網民附上影片，力證恐龍裝置並無發出聲響「......又唔覺佢有叫喎」。
樓主隨後回應網民質疑，指他於恐龍擺設「剛落地」時到訪：「頭兩日叫得好大聲，經過學校時會聽到，不過之後無咗聲。」估計已就聲音問題作出調整。網民回應：「咁可能係，我係上星期尾去，依家唔影響學校就OK啦！」，相信事件已經告一段落！