DSE考生當爸爸!女友懷孕男生棄升學打工養家 自責未讀好書憂1事

撰文:安祖娜
出版:更新:

勇於承擔總比逃避責任好。有年輕爸爸在討論區分享經歷,指2021年考DSE(中學文憑試)前,拍拖數年的女友意外懷孕,他自知闖禍,成績本來就差,考試後放棄升學工作養家,現時1日返多份工,「飲食、運輸、零售、派傳單都做過」,月入2至3萬,仍感難應付一家三口開支,要借住外父的物業,身邊人又多閒言閒語,「要怪就怪自己以前冇好好讀書」、「我最擔心嘅係個女大個之後會點睇我,同埋將來返學會唔會畀同學或者其他家長笑」。網民未有一沉百踩,而是為新手爸爸打氣,「欣賞你有承擔,負責任」、「你個女將來會好自豪,因為有你依個好爸爸」。

有年輕父親在討論區發文分享自己當父親後的體會,表示女兒出生後要打多份工養家。(示意圖 / GettyImages)

樓主在Dcard討論區以「要怪就怪自己以前冇好好讀書」為題發帖,指近日朋友發來關於DSE的帖文,令他有感而發,「其實我自己係年輕爸爸」。他是2021年的DSE考生,有名拍拖數年的女友,因為雙方家境不俗,大家都不是讀書材料,以為成績差都可以衣食無憂,所以讀書很懶散,「平時都係打下波打下機」。

應考DSE前女友意外懷孕,家人支持她生孩子,決定安胎不應考,終誕下女兒。樓主考DSE後放棄升學,負起責任出來工作養家,「飲食、運輸、零售、派傳單都做過」。雙方家庭環境不俗,但「自己搞出嚟嘅禍,都係要自己負責任」,縱然上班偶然受氣,他也不敢抱怨。

樓主女兒現2歲,他「一日打幾份工」好讓妻子留家專心照顧女兒,但他月入約2至3萬,仍難滿足一家三口生活開支,現時要借住外父的物業,「身邊嘅人間中有啲閒言,我都當聽唔到」。樓主無奈指既不後悔也無時間後悔,「我知自己冇學歷,我最擔心嘅係個女大個之後會點睇我,同埋將來返學會唔會畀同學或者其他家長笑」,他深愛妻子和女兒,以往家人給了他不錯的成長環境,「我都希望可以畀到好嘅生活屋企人,可惜我暫時做唔到」。

樓主坦言上班時偶然要受氣,但他也不怕辛苦,「希望可以畀到好嘅生活屋企人」。(示意圖 / GettyImages)

網民未有對樓主惡言相向,反大讚他是有承擔的爸爸,「佩服你咁有責任感,個BB有你呢個爸爸一定好幸福!」、「呢啲先係男人大丈夫」,認為他不用太過擔心,「除非你將來對家庭唔負責任,正常都唔會歧視自己父母學歷低」。不少人提供建議,認為可考慮半工讀增值,「日頭返工夜晚讀書,考個學位或者考個牌返嚟」,如果不怕辛苦,其實可考慮投身建造業,「要頂幾份工不如考慮番地盤?新人朝8晚5都起碼月入27k以上」。

(Dcard)