【網上瘋傳】白衣男超市內擲小狗落地再腳踢　網民轟：冷血無人性

虐畜事件，一宗都嫌多！今日網上瘋傳一條短片，指屯門區懷疑發生虐畜案，一名中年漢在寶田邨一間超市內，把一頭小狗拋落地再腳踢，十分凶狠。短片上載僅6小時，已有逾3000名網民表示「嬲嬲」，短片有逾2000名人分享，網民紛紛留言怒轟該男子「冷血無人性」！

上載影片的網民留言指，事發於屯門寶田邨一間超市，當時有一名男子在超市放下小狗，交由超市職員暫時看管，其後另一身穿白色上衣、背着斜孭袋及戴眼鏡的中年男子見狀，即大大聲在超市內對職員說：「呢到點可以有隻狗架！掉隻狗出去啦！」該職員回應指：「我只可以喺度睇住隻狗，唔可以比佢周圍走！然後等佢主人返嚟！」

詎料白衣男突然發難，將手上的東西放下，搶走小狗扔在地上，然後用腳狂踢小狗，其間該男子一度失平衡險些滑倒，而小狗則伺機從罅隙中衝出超巿，男子一度欲追出，但被閘口擋着，未能成功。

片中見到超市有職員及顧客，但都來不及阻止白衣男的行為。拍片者批評該男子「極之無人性」，又指他腳踢小狗後匆匆離去，「狗狗嘅主人又不在，無奈地我不能捉住佢然後報警」。

短片長約5秒，在網上流傳6小時後已逾13萬次點擊，大批網民留言怒轟白衣男冷血及無人性，指「心痛死，點解可以咁X衰格？自己痴（黐）線就算喇！做乜要咁對隻狗」、「嚇死狗狗啦，重要咁細身（隻）、都唔知有無整親佢」。不少網民追問小狗的情況，拍片者回應指「 狗狗平安」。

（facebook）