名校擬四季酒店辦謝師宴每人1500元 學生FB呻貴 網民:迫住去

撰文:陳展希
出版:更新:

謝師宴是不少人的回憶,近日一名男校學生在facebook專頁「名校 Secrets」表示,謝師宴投票決定到四季酒店舉行,每人要付1500元,該名學生認為價錢太貴不合理,直言「有乜可能一餐飯已經係半部電話嘅價錢」。

有男校學生表示,謝師宴投票到四季酒店舉行,每人要付1500元。(四季酒店圖片)

該名學生投稿到facebook專頁「名校 Secrets」,表示學校今年打算在四季酒店舉行謝師宴,但每名參予學生要付1500元,他認為價錢太貴,「食個飯真係無可能咁貴,有乜可能一餐飯已經係半部電話嘅價錢。」他指籌備謝師宴的委員會稱,1500元包括宴請老師、給老師的禮物、燈光音響系統、請工程師的費用和酒店的保險存款,多餘的錢就會捐給學校。

學生引述籌備謝師宴的委員會稱1500元包括宴請老師、燈光音響系統、請工程師的費用等等。(四季酒店圖片)

發文的學生不滿,直指「你連呢啲嘢都要學生俾,仲有平時叫我地捐錢仲捐唔夠咩,今次仲要強迫全世界捐」,又請網民用emoji投票,「慘慘」代表「全世界都去,你邊有得唔去啫」;「嬲嬲」代表「唔去」;「嘩嘩」代表「叫大家集體唔去,迫佢減價(雖然應該無人理)」和「心心」代表「其實個價錢幾合理」。

有男校學生表示,謝師宴投票到四季酒店舉行,每人要付1500元。(四季酒店圖片)

帖子引起網民熱論,有人認為謝師宴沒有必要太貴,「學生哥搞grad din 真係無必要咁貴,亦無必要去咁高級的酒店搞」、「請工程師?請返嚟有咩用?」,不過亦有網民認同謝師宴一生人一次,「好貴,但係有回憶,自己揀」。亦有網民分享自己過去謝師宴的經驗,「想當年我個屆Grad din 都係$1500,唔去都要900幾」,結果所有安排都十分差劣,連「老師都好無癮神早走哂」。