【打機女友】連登仔呻女友沉迷食雞被忽略 拍拖都要用PUBG術語

撰文:
最後更新日期:

不少男生都會渴望找一個願意一起打機的女友,但當女友打得較男生還要瘋狂時,你又未必會羨慕!有網民昨日在連登討論區發帖,指「女朋友掛住食雞唔理我」,自從這隻人稱「食雞」的大熱遊戲《絕地求生》(PUBG)推出手機版,其女友打到「成個鐘唔見人」,話題又只圍繞着「食雞」,包括拍拖出街也用遊戲術語,如「E方向有靚仔」,吃飯前也要大呼一句「大吉大利今晚食雞」,令男友大感無奈,不禁問「我究竟點做好?」。

連登仔大呻,女友跟他吃飯時也不忘食雞。(連登討論區圖片)

連登仔「KOMASAN~ZURA」在討論區表示,自己跟女朋友都是90後,在一起多年一直相處得開心,日常拍拖都是行街、睇戲、食飯,平時自己會玩手機遊戲,看動畫,女友則會淘寶、看IG和煲韓劇。

大半年前,女友跟他說一隻新興遊戲「睇落好好玩」,就是PUBG,但因為電腦不夠強,玩不到食雞,只可以看直播打機,望梅止渴。不過女友漸漸開始使用術語溝通,如「E方向有靚仔」、「前面個人揹三級包」,吃飯時不是說「我唔客氣啦」,而是說「大吉大利今晚食雞」,樓主一時不知如何回應,「心諗都係睇片睇上腦,好彩佢電腦玩唔到」。

不少情侶會組隊「食雞」,增進兩人的感情,並在遊戲期間,大量發放「閃光彈」。(PUBG官網)

可是PUBG推出手機版後便開始出事,「邊條X樣發明呢個遊戲,女朋友日日就掛住食雞」,樓主稱由初時隔數秒就會回覆其訊息,到後來「成個鐘都唔見咗人」,還埋怨他不一起玩,「有次仲話叫我唔好搵佢,因為就嚟食到雞」,如果寄來訊息通知會阻礙她看方向。

樓主稱,女友以前不會打機,自己又對「呢隻垃圾」沒有興趣,完全投入不到,但兩人相處卻只圍繞着這個遊戲,「除咗食雞之外冇其他嘢講,問佢食完飯未,佢就話啱啱食完雞」。他還附上一張照片,顯示女友跟他吃飯時也不忘食雞,又指女友「開咪同小學雞吹水都唔理我」,天氣炎熱更加不會出街,「喺屋食雞」,不禁問「我究竟點做好?」

有網民同樣有共鳴,大呻女友「打到連我都唔記得了」,有人則指「食雞都係手機Game(遊戲)姐,佢食第樣嘢,咁你咪要仲驚」。

(連登討論區)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。