動漫攬枕流落大埔 街坊收好消毒fb尋失主 籲「盡快拎返你老婆」

撰文:
最後更新日期:

不少人都喜歡收藏動漫攬枕,有人更會視之為「女朋友」一樣對待。不過有網民近日就在太和街道上發現一個動漫女角的抱枕,遂放在facebook群組「Tai Po 大埔」尋物主,指「你女朋友跌咗落街呀,快啲嚟帶佢返屋企!」

有街坊怕攬枕被當垃圾丟掉,特意到「出事位」帶走抱枕並進行簡單消毒,望失主盡快「拎返你老婆走啦」。帖文在網上引起熱議,有網民大讚街坊「好心地」,但同時提醒他「小心抱枕上面啲精華」。

有網民在大埔發現有動漫攬枕掉下。(fb群組「Tai Po 大埔」圖片)

有網民昨日在「Tai Po 大埔」發帖,指路過太和時見到地上有個動漫抱枕,問「邊個咁冇心肝呀,人哋晚晚陪住你」,呼籲樓主盡快將「女朋友」帶回家,更標籤「不要冷落女朋友」。

其後有街坊得悉有個「師匠抱枕」被掉下街,身在附近的他遂前去「關心」,因怕抱枕會被清潔工人當垃圾丟掉,故將它用大膠袋包好,然後塞入書包帶回家。
 

他表示抱枕只是「污糟咗小小」,已隨即進行簡單消毒。拾獲者又稱,因不想令家人誤會料「擺唔到好耐」,如果三日後沒有人認領,就只能丟掉,「希望失主你見到呢個post就盡快嚟拎返你老婆走啦」。

不少網民都大讚樓主好人,「俾(畀)我我會驚有病毒」,又讚他事後處理得很好;另有人稱「邊個負心漢連老婆都唔要」、「希望師匠唔係畀人拋棄」,又指近日或是到了「宅宅換老婆」的季節。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。