返工look愈着愈頹!連登仔嘆青春不再:有同事着菊花牌底衫

撰文:李納德
出版:更新:

正所謂「人靠衣裝,佛靠金裝」,在職場衣著打扮得體,確實會加印象分,不過隨住在同一地方工作愈久,「頹Look」上班似乎已變成習慣。近日一名連登仔就在網上發文,道出「人愈大愈明白點解啲人返工着得咁X」的大道理,他解釋每日上班見同一班同事,下班就回家,根本完全沒有動力扮靚,甚至有同事頹到穿「菊花牌底衫」上班,令他慨嘆自己已經不再年輕。
帖文一出,即引起大批網民共鳴,坦言寧靜多睡一會,「一起身着件同琴日唔同色嘅底衫再是但搭條褲,行得」,亦有人認為襯衫是浪費時間,「唔諗仲好,好似返返中學咁,慳錢慳時間」。

一名連登仔慨嘆人愈大,愈不着重工作的衣着,甚至有同事直接穿菊花牌底衫上班。(示意圖,視覺中國)

下載「香港01App ,即睇城中熱話:https://hk01.app.link/l7U1Y7t5LO

該男網民日前在連登討論區發文,坦言每日在同一個地方工作,對住同一班人,然後下班就回家見家人,就算公司大部分是女同事,但他卻早已失去貪靚的衝動,「衫都係一年買一兩件」,除底衫外,每日都會穿同一件外套、鞋及褲當工衣,又指有幾名同事更放棄自己,基本上日日穿底衫上班,「唔係白T恤,而係菊花牌真正嘅底衫」。他憶述大學時期,自己每日「Gel頭」兼「個個星期買新衫」,相比現在的返工「頹Look」,讓他不禁慨嘆自己不再年輕,「人愈大愈明白點解啲人返工着得咁X」。

一名連登仔慨嘆人愈大,愈不着重工作的衣着,甚至有同事直接穿菊花牌底衫上班。(視覺中國)
+4

不少網民見狀,紛紛留言表示認同,坦言寧願每日上班前睡多一會,不明自己讀書時代「點解會用咁多時間去整個頭」,亦有人表示公司只得「阿叔阿嬸」,認為沒有必要刻意扮靚,「其實仲好,慳錢慳時間」。另外,有網民則稱自從有穩定女友後,已失去扮靚的動力。

(連登討論區)