【亞運會2018】運動員回港被包圍　阿叔疑被阻路嘲：包尾仲咁開心

正值亞運，香港運動員在印尼奮戰，暫時為香港取得2面金牌、6面銀牌和13面銅牌，不過卻不是每個人懂得欣賞運動員付出的努力。今日凌晨有網民在網上發文表示，恰巧與部分香港運動員同機返港，出閘時見運動員被大批記者、家人及支持者包圍，場面一度混亂，詎料一名男子疑因被人群阻檔去路，冷諷他們「特登飛過去包尾仲咁開心，都唔知班人諗乜！」引起樓主極度不滿，直呼「香港運動員唔係垃圾！」
不少網民看過帖子後，直斥男子無資格批評這些運動員，「好多人淨係識口頭上講乜乜乜，完全唔去諗運動員背後付出嘅努力同汗水」。

下載「香港01」App ，即睇城中熱話：https://hk01.app.link/l7U1Y7t5LO

fb專頁「CALL4VAN 客貨車」今日凌晨以「香港嘅運動員唔係垃圾，但香港人係垃圾都不如」為題發帖，樓主指他和多個出戰亞運的香港運動員、教練和隨隊人員同機回港，興奮稱「我雖然只係觀眾，但同一班機，與有榮焉」。

當運動員出閘時，被大批記者、家人和支持者包圍，場面相當擠擁及混亂，樓主指在人群裏聽到一句說話：「特登飛過去包尾仲咁開心，都唔知班人諗乜！」樓主貼出說這句話的男子的背影相片，他指男子疑因運動員做訪問阻礙他直線推車去廁所而出言嘲諷。

樓主直言「嗰一刻，我係即刻想上前大聲XX佢，甚至想揮拳洩憤，但當然三秒之後我就撳住自己」，樓主引用李麗珊當年奧運奪金後說過的「香港運動員唔係垃圾」，表示很多人由心看不起運動員，覺得做運動員無出色、無「錢」途，他慨嘆以為到2018年「主流睇法已經唔同咗」，惟可能只是一廂情願。

帖子引來網民熱議，上載不足一日已超過7700人讚好，不少網民對男子的嘲諷都表示十分憤怒，有人指男子無資格批評運動員，「連飛過去都無資格嘅人喺度自取其辱」、「睇佢身型行多兩步都要用呼吸機啦」、「問下個阿叔做過啲咩令自己光榮而無憾嘅」。

亦有人批評香港對運動員的支援不足，「香港其實有很多有潛質的運動員，可惜欠缺政府、商界支持，也缺乏場地，所以有成績已非常好了」、「佢哋之所以攞唔到好成績，就係因為你班X街，唔撐自己人不單止，仲要落井下石！搞到成個社會氛圍都睇唔起佢哋，佢哋無辦法全心全意咁去做自己想做的事」。

（fb專頁「CALL4VAN 客貨車」）