【颱風山竹】雨褸女企30樓露台「測風力」 網民:唔好搞到消防員

撰文:
最後更新日期:

強颱風山竹吹襲香港,天文台一度發出10號颶風信號,並呼籲民眾盡量留在安全地方,但有人「總要重複同樣的錯誤」。網上瘋傳一條影片,一名穿上雨褸的女子在狂風暴雨下身處露台食風「玩命」,聲稱自己位於新蒲崗一棟大廈30樓,形容「好開心……咁耐以嚟第一次試17級強風」,更稱「都唔係好大風……都無吹郁我……應該再勁啲」,其間不斷被強風吹得難以站穩。多名網民批評女子「搏出位」,「唔好搞到消防員又要救埋你」。

一名女子站在大廈30樓露台拍片,她先對住鏡頭問好。(fb群組「巴打絲打_Facebook_Club」影片截圖)

下載「香港01」App ,即睇城中熱話:https://hk01.app.link/l7U1Y7t5LO

今日下午天文台發出10號號颶風信號及紅雨警告,中央氣象台今早曾指山竹中心經過的附近海面或地區風力可達14至15級,陣風則是16至17級。

有網民用在facebook群組「巴打絲打 Facebook Club」上載影片,形容片中女子「老實講,真係唔知佢咩心態」。影片長近半分鐘,一名穿上雨褸及短褲的女子在狂風暴雨下站在露台位置,長髮遭強風吹亂,她對住鏡頭問好,面帶笑容表示「依家係2018年9月16號,我好開心呀,好開心呀,咁耐以嚟第一次試17級強風喳」。

+3
+2

她續稱:「我而家喺新蒲崗30樓,你睇吓幾激。」不過她馬上又改口,「但我都覺得唔係好大風,係咪先?都冇吹郁我,係咪先?應該再勁啲,而家係10號風球」,其間一度按住雨褸帽防止吹脫,她邊說邊被強風吹得難以站穩,腳步踉蹌,但勉強站穩。

+6
+5
+4
+11
+10
+9

短片吸引近3000人「畀嬲」,亦有約1800人留言,紛紛批評片中女子「想搏出名」、「無知真可怕」、「唔明點解好開心囉,位不是這樣出的」,有網民更指「吹到企唔穩都話冇」、「突然有個強風吹走佢就大鬼鑊」。更有人批評女子的行為可能連累公職人員,「有咩好開心智障,知唔知打風對香港損害幾大,幾多人冒着生命危險去工作救人。為左呃like,咩都做得出,被風吹走唔好搞到消防員又要救埋你」。

(fb群組「巴打絲打 Facebook Club」)

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。