的士司機開車挖鼻屎 乘客無散紙無奈收找續：落車立即使咗20蚊佢
撰文：卓柏安
出版：更新：
雖然不少人都指出紙幣充滿細菌很骯髒，但很多人都是「眼不見為淨」照常使用。近日有網民坐的士時看見司機全程不斷採礦（挖鼻屎），覺得十分不衛生，的士到達目的地後，乘客付車資後雖獲找回20元，但亦「掙扎咗一輪」，最後才鼓起勇氣將鈔票收下，並立即用來買食物。
有網民分享經歷，指的士司機於開車時採礦，極之不衛生。（fb群組「巴打絲打 Facebook Club」截圖）
下載「香港01」App ，即睇城中熱話：https://hk01.app.link/l7U1Y7t5LO
有網民於「巴打絲打 Facebook Club」上發帖，自責「真係好睇唔起自己」，事緣她坐的士時司機全程「癲狂咁採礦」，即使成功將鼻屎採出後，「仲要拎出嚟欣賞，之後捽落地再癲狂咁採」。樓主表示，「每次以為佢會收手，佢又再繼續」，直至的士抵達目的地。
樓主最後還是沒有給予的士司機20元貼士，而是選擇把找續收下，然後立即買燒賣。（資料圖片）
無奈的是，樓主身上只有60元散紙，但車資達80元，最後只能拿出一張100元紙幣，換言之，樓主收取找續時有機會碰到司機的「礦物」。樓主雖想將20元當小費，但掙扎一輪後還是收下，「一落車即刻衝去買燒賣，務求盡快使咗嗰20蚊佢」。樓主回到公司後，在腦海中不停問自己，「點解，點解你要掂張20蚊？」
【颱風山竹】新巴經杏花邨變「新渡輪」 的士遇鋁窗飛墮險喪命「等10分鐘呱呱嘈」 港媽怨遲上的士被司機責怪 反被批公主病【正能量】搭的士唔夠錢幸遇好司機 乘客感動 差額加碼轉捐NGO歸還iPhone 6給女乘客 的士司機嫌「薄酬」太少：起碼都1000啦
不少網民認為，鈔票硬幣本身已經十分骯髒，只是「眼不見為淨」而已，更反問樓主「你有無諗過你銀包裏面張100蚊，可能仲污糟過你嗰張20蚊？」不過亦有網民突破盲點，指「賣燒賣嗰個收咗你廿蚊，再用收你廿蚊嘅手攞燒賣畀你」，直指樓主最後還是把細菌吃了下肚。