中秋節落公園玩燈籠遇學生家長 老師竟被投訴:咁夜仲落街教壞晒

撰文:
最後更新日期:

中秋節晚上賞月玩燈籠是常識吧,但有老師近日則投稿至facebook專頁「老師心聲」抱怨,指當日晚飯後帶孩子到公園散步玩燈籠,其間碰見學生和其家長,結果被投訴「咁夜仲帶小朋友落街玩,學生見到咁就有樣學樣教壞晒」,校長還要求道歉,令她大感無奈,嘆道「做老師有私人生活都是罪」。

有老師投稿至fb專頁「老師心聲」抱怨,指當日晚飯後跟小朋友到公園散步玩燈籠,其間碰見學生和其家長,結果被投訴。(fb「老師心聲」截圖)

下載「香港01App ,即睇城中熱話:https://hk01.app.link/l7U1Y7t5LO

該老師在帖文中,第一句已感嘆「做老師有私人生活都是罪」,稱中秋節當晚一家人吃完飯後,就跟小朋友到公園散步玩燈籠,本來都開開心心人月兩團圓,突然聽到有人大叫Miss,「原來係學生咁啱都去公園玩,禮貌上打招呼講聲『中秋節快樂』」,誰料那位家長即尷尷尬尬地拉走兒女,「好似當我怪人咁」。

+2

直至中秋翌日假期後回校,樓主就被召到校長室,原因是有家長投訴她,「身為老師咁夜仲帶小朋友落街玩,學生見到咁就有樣學樣教壞晒」,可是主任和校長卻沒有了解事情就要求她注意同道歉。樓主又指,曾有教學助理於暑假期間出外旅遊都被投訴,擔心「遲早老師返工放工食飯都會被投訴」。

有網民反問:「唔通日光日白去賞月玩燈籠咩?」(資料圖片)

帖文引起網上熱議,不少網民都替該位老師感不憤,稱不明白家長的邏輯何在,「嗰位家長帶住佢小朋友見到老師帶住小朋友出來玩,然後話老師唔應該咁夜仲帶小朋友出街?」、「唔通日光日白去賞月玩燈籠咩?」另有網民認為不應干預老師的私人時間,反問「老師拖住老婆或女友落街,咁係咪要即炒?」亦有人認為校長的處理手法同樣有問題。

(fb專頁「老師心聲」)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。