【大晒咁】普通話大媽稱LEGO買貴咗逼回水 老闆無奈允揀差額貨

撰文:喬納森
出版:更新:

網上瘋傳有操普通話中年婦人,日前被指LEGO集中地的油麻地「現時點」商場與一店舖老闆理論,聲稱所購產品較其他店舖貴50元,要求老闆退差額;老闆妥協屈服,最終讓大媽免費挑選與差額同等的產品。事件引起不少LEGO迷反感,留言買貴只因大媽自己唔格價,有人指曾遇類似情況,但企硬不屈服。

樓主發文表示,國慶當日經過現時點1樓其中一間店舖時,見到一名操普通話的中年婦人,聲稱同一款產品在其他店舖賣平50元,要求退錢,負責人讓她在店內免費挑選一件價值50元LEGO產品。(fb群組「今日一入玩具報價區」截圖)

下載「香港01App ,即睇城中熱話:https://hk01.app.link/l7U1Y7t5LO

有網民在社交網站facebook群組「今日一入玩具報價區」發文指,本周一(1日)、國慶假期當日,經過現時點1樓其中一間店舖時,見到一名操普通話的中年婦人走入店內,向老闆聲稱「盒LEGO要退錢,因為喺第二間舖見到平你好多,成50蚊」。

LEGO一向深奴不周年齡層人士歡迎,玩家不停追求創意,溫莎樂高樂園(Legoland Windsor)趁哈里王子大婚時,用數萬件積木打造場景。(資料圖片)

該網民形容大媽與老闆態度尚算和平理性,老闆無奈下「叫佢喺舖揀50蚊嘢補畀佢」,但如超過差額就要補錢,他語帶諷刺形容「覺得喺香港購物真係太幸福了」。

事件引起多名網民批評,有人認為老闆做法不智,「老闆都低能,使鬼做任何(嘢)補返,好似欠咗佢,使鬼理嗰大媽,香港自由市場,你買貴係你唔格價,你買得就接受到先買」,更有人留言指「識講普通話就退到?」、「原來學普通話會有啲好處」,亦有網民擔心「做壞個頭,今次真係畀佢呢間舖害死成個場(同)其他舖」。

亦有賣家稱早前向一名內地女子出售貨品,「一星期後,我第二批賣平咗廿幾蚊,佢走返轉頭叫我退返嗰差價畀佢」,賣家反駁稱「靚姐,今日你喺百佳買罐豆豉鯪魚,第二日人哋買一送一,你係咪會去拎返人地一罐?」但對方反斥他是「奸商」、「以後都唔會幫襯」,賣家嬲爆直接叫內地女「拜拜」。

(fb群組「今日一入玩具報價區」)