80、90後回憶！用FOXY下載變「鹹片」　網民崩潰憶：仲開到勁大聲

假如閣下從來沒用過「Foxy」，就不要說你是80、90後了！想當年不少人透過Foxy等軟件下載音樂、動畫或電影，雖然資料庫非常充足，但相信大部分人都曾「中招」誤墮「色情圈套」，被片名所騙下載「鹹片」。近日有網民甚至將「Foxy」封為「90後嘅性啟蒙老師」，引起大批網民共鳴，紛紛分享「中伏」經過，當中日本動畫《火影忍者》更是「重災區」，「仲好記得當時下載火影嚟睇，點知一開就啊啊啊啊」，令人相當崩潰。

下載「香港01」App ，即睇城中熱話：https://hk01.app.link/l7U1Y7t5LO

日前一名巴打以「Foxy真係好多90後嘅性啟蒙老師」為題在連登討論區發文，坦言當年在Foxy經常「瀨嘢」，其中一次下載《火影忍者》時，「一開就啊啊啊啊」，笑指「從此為我嘅人生開啟新一章」。詎料帖文引來不少同道中人留言，紛紛分享「中伏」經過，有估計是「經驗豐富」的巴打笑指「新一集未出但係有得下載嗰啲」，暗示這類影片通常是「鹹片」，「中伏」機會甚高。

俗語話「上得山多終遇虎」，有網民甚至險在父母面前誤開「鹹片」，「試過down（download）套戲同老豆老母一齊睇，點知片頭寫住《Tokyo Hot》」，嚇得其父馬上命令「熄咗佢」，而醒目的網民則「事後喺垃圾桶搵返出嚟」。另有網民憶述想當年還是「迷台」年代，「開套棒棒堂或者18禁不禁嚟睇，真係變咗肉棒同18禁」。吸取多次「中伏」慘痛經歷，有網民笑稱自此之後，「睇佢個file幾大先睇」。

（連登討論區）