【海洋公園哈囉喂】扮鬼員工力數港客4宗罪:有玩都知港人好劣質

撰文:
最後更新日期:

每年10月,主題樂園都會舉辦萬聖節派對,有海洋公園鬼屋員工近日在連登討論區,以「做緊海洋公園哈囉喂,有玩嘅可能都知香港人好劣質」為題發帖,分享扮鬼期間的觀察,力數香港人的劣質行為,包括對着「鬼」爆粗怒罵、不斷入同一間鬼屋「劇透」驚嚇位等,令員工、遊客都大感無癮。帖文引起網上熱議,獲得4000多個讚好,不少人都指是「小學雞行為」,亦有人認為是驚嚇過度下的自然反應。

有海洋公園鬼屋員工在連登討論區,力數港人遊玩時的4宗罪。(連登討論區截圖)

下載「香港01」App ,即睇城中熱話:https://hk01.app.link/l7U1Y7t5LO

連登巴打日前在討論區發帖,自稱在海洋公園哈囉喂扮鬼,「想講下香港人點劣質法」。他在帖文中列出4宗罪,包括「畀鬼嚇完,指住隻鬼X人老X或舉中指」、「成班人係咁撞係咁跳,想拆咗間屋」、「玩完一次間屋,記低晒啲位,不斷入同一間屋,指住有鬼嘅位,話畀後面其他人聽依到一隻、依到兩隻鬼」,以及「挑釁隻鬼:見到你啦/夠薑你就出嚟打我」。

+4
+3
+2
海洋公圍哈囉喂圖輯:
+5
+4
+3

樓主註明最後一項,特別多為男性這樣做,相信是「想威畀條女睇」,又或是被嚇倒後,要裝作淡定,「但又畀身體出賣咗」。樓主其後亦補充,愈來愈多「鹹濕仔」想觸摸女鬼,不過屋內裝設多個閉路電視,「第一日有客畀人捉到」。他又指有客人甚至會胡亂投訴,「明明無做錯都可以畀人投訴」。

有不少網民留言直指這些行為「小學雞」,「好似啲青春期男仔想係啲女面前show off咁」;另有自稱做過迪士尼樂圍的網民表示,「香港人係最難頂」;有人則同情扮鬼員工,「其實都明做鬼嚇人failed(失敗)嗰種老尷,係會有挫敗感,何況畀啲死mk指住X,所以下次都畀下面扮驚」;有網民亦指,大家都只是想慶祝節日,感受氣氛,「大家開心咪算囉,我被嚇到有時都會讚下『喂呢下正』,隻鬼都會回你一個奸笑啦,有好交流,對成件事大家都好」。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。