【聽晚見】清潔龍阿德將現身Clockenflap 溫提:唔好扔垃圾上台

撰文:
最後更新日期:

要數政府近年「最貼地」的吉祥物,除近日爆紅的「任何仁」外,「清潔龍阿德」可謂當之無愧,最近阿德更推出新歌《我今天出了一首TRAP MUSIC 叫做我叫做KEEP CLEAN AMBASSADOR》,歌詞易上口又有message,上載短短兩星期,已喪吸逾10萬點擊,同時阿德有機會踏上大型舞台,明晚將與其團隊於國際音樂節Clockenflap登場!

消息傳出後,引來大批網民暴動式關注,有人即提議阿德可featuring「任何仁」及「大嘥鬼」。而「阿德」接受《香港01》訪問時表示,首次公開唱新歌感到非常緊張,雖然知道自己唱得不好,「但希望大家都唔好亂拋垃圾上台,同埋記得臨走前執好晒垃圾先走」。

清潔龍阿德明晚9時半將現身Clockenflap,仲會獻唱新歌,大家開唔開心?興唔興奮?(fb專頁「清潔龍阿德 Keep Clean Ambassador Ah Tak」圖片)

下載「香港01App ,即睇城中熱話:https://hk01.app.link/l7U1Y7t5LO

「我個名叫Keep Clean Ambassador」假如你記得這句歌詞,恭喜你,你已被「清潔龍阿德」成功洗腦,早前阿德推出新歌《我今天出了一首TRAP MUSIC 叫做我叫做KEEP CLEAN AMBASSADOR》,由6個阿德的背後工作人員合力Rap出來,歌詞宣揚清潔的訊息,又教大家「滅鼠三式」,結果獲大批網民關注,上載短短兩星期,已喪吸逾10萬點擊,有網民更大讚「肯定係最型既政府宣傳片」。

新歌不但深得網民歡心,連大型音樂節也睇中阿德。阿德昨晚在facebook專頁宣布,明晚9時半將於國際音樂節Clockenflap登場,並以藝名「Lil Tak」於現場獻唱新歌,他又呼籲「現場嘅朋友記得唔好噓我」、「練定首Trap現場一齊唱」。消息傳出後,不少網民紛紛留言表示支持,有人即提議阿德可featuring「任何仁」及「大嘥鬼」,亦有網民挑機問道「阿德,你紅定任何仁紅?」阿德即反駁「任何仁係藍」,引來超過1200個讚好。

「阿德」親身回應《香港01》查詢時表示,首次公開表演感到緊張,「不過見到好多fans都好開心,希望唔好發台瘟」,他坦言自己唱歌不好聽,呼籲大家不要亂拋垃圾上台,記得離開前先清理好隨身垃圾,「如果唔係我嬲㗎」。

問到可有機會跟「任何仁」或「大嘥鬼」合作,阿德指跟「大嘥鬼」經常有互動,反而渴望跟「任何仁」合作,「雖然我哋暫時未有計劃合作,但我同佢隻色都好襯,一隻藍一隻綠,我條工人褲仲係藍色添」。

不少人以為阿德新歌由外判公司製作,但其實幕後搞手是一班阿德的Admins,他們並非音樂人,卻能寫出洗腦又有message的Trap Music歌詞。(左起:Vincent、Ceci、Rain、Debbie、Rondo、Ruck)(受訪者指定照片)

而「清潔龍阿德」的背後團隊,科域盈創(Fevaworks Solutions)內容營銷總監麥朗謙(Rondo)透露,新歌由公司6位同事負責合力製作,「我哋唔係音樂人,只係做social media(社交媒體),首歌嘅襯底音樂係網上買,填詞同MV都係我哋自己搞掂,每人填一段,由構思至首歌出街,都用咗大半年時間」。今次阿德新歌大膽採用Trap Music風格,Rondo坦言希望為此爭一口氣,同時帶來反差的感覺,「平時嘅Trap Music主要圍繞藥物、流氓等負面題材,但今次我哋一反傳統,歌詞正面,話畀人聽其實Trap Music都可以好『乾淨』」。

+13
+12
+11

新歌推出後反應非常熱烈,Rondo坦言是始料不及,「事前都估到會有人鍾意,但冇諗過大家會咁激動」,於是他們就打鐵趁熱,主動聯絡Clockenflap合作,最後成功爭取讓阿德及團隊上台獻唱。對於新歌大受歡迎,Rondo透露團隊打算再下一城出碟,「嚟緊會幫阿德出EP,會整多3首新歌,如果反應好,可能會印出來派給大家」,他更透露正跟KKBOX、Spotify等洽談新歌上架,讓更多市民聽到清潔香港的重要訊息。

練定首Trap一齊唱:

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。