【人生贏家】中六合彩獲過百萬元獎金 幸運兒：中咗都係要返工
撰文：卡洛兒
出版：更新：
人人買六合彩，你估人人都可以中大獎咩？如果得償所願、飛來橫財，不少人都會幻想翌日立即「炒老闆魷魚」，辭職嘆世界，但現實中又會否這樣做？有幸運兒昨晚（14日）打上電台節目分享，買六合彩中獎、獲得過百萬元獎金的經歷，她笑言領獎過程不像睇戲似的「左對右對」，就只需留下姓名和核對身份證，即可領取百萬元支票，又指自己沒有立即辭職，「中咗都係要返工」。
馬會每逢推出六合彩金多寶，都吸引大批市民排隊買彩票。（資料圖片）
下載「香港01」App ，即睇城中熱話：https://hk01.app.link/qIZYuEC5LO
聽眾陳小姐昨晚致電香港電台節目「有冇搞錯」分享中獎經歷，指自己曾買中六合彩頭二、三獎，獲得過百萬元獎金。她憶述，中獎當晚仍以為自己只是安慰獎，所以沒有興奮到失眠，而且先前已致電馬會查詢領獎程序，當她到達跑馬地馬會總部時，第一時間就問「會計部喺邊？」
幸運兒其後被帶到一個房間，在櫃台前辦理手續，她形容手續簡便，就只要寫下名字及核對身份證，然後職員叫她一小時後回來取支票，不像睇戲般被查問詳情。陳小姐補充指，如果中六合彩獎金超過100萬元，必須到跑馬地總部登記，若低於100萬元則可以在樓下投注站領取。
周星馳曾在經典喜劇《家有喜事1997》中，扮演六合彩幸運兒得知中獎一刻的反應。（《家有喜事1997》劇照）
被問到是否單人匹馬去領獎，陳小姐直言「梗係啦，邊有咁揚架？唔好咁揚，一個人去好啦」，去領獎前本來都有些擔心，「會唔會唔見咗？會唔會跌咗？或者有意外發生」，不過當收票一刻，發現支票上寫明自己的名字，「人哋執咗都入唔到」，就覺得很放心。她坦言並沒有告知任何人中了多少錢獎金，連家人也沒有透露，「要低調啲，唔好咁高調」。
「中咗六合彩，第二朝就即刻辭職唔返工」，這可能是很多六合彩常客的期望，但陳小姐則笑言「中咗都要返工」，只不過可以找個輕鬆不用太辛苦的工作，至於平日生活都是如常度過，但選擇旅遊地點則有所不同。