不滿被女友長期監控 iPhone「Find My Friends」功能玩殘連登仔

撰文:
最後更新日期:

科技日新月異,「成個老襯,從此被困」這句歌詞,已不僅局限於婚姻。日前一名連登仔在網上抱怨,指自從女友得悉iPhone的「Find My Friends」功能後,經常監視其行蹤,連到海旁跑步,「會問我跑咁遠做咩」,即使留在家中,「佢都會問我做咩唔搵吓佢傾偈」,讓他備受壓力,「無時無刻都覺得佢望住我咁」。

帖文引來大批網民熱議,有人慨嘆樓主「慘過坐監」,亦有人認為如果一方要出軌,「實有辦法呃到你」,其女友做法只會辛苦大家。另有網民則提供簡單破解法,利用同一個Apple id登入iPad,再將iPad長期放在家中,「咁你就永遠都喺屋企瞓緊覺啦」。

近日有連登仔發文抱怨,女友自從識玩「Find My Friends」功能後,長期監視其行蹤,令他感到相當困擾。(連登討論區截圖)

下載「香港01App ,即睇城中熱話:https://hk01.app.link/l7U1Y7t5LO

該連登仔昨發文,稱「iPhone個新功能玩死我啦」,並指女友早前叫他下載「Find My Friends」功能,「點知down完就奶X咗嘢」,他稱平日出街都會先通知女友讓她放心,但自從用了該功能後,女友經常監視其行蹤,更非常不信任他。

他舉例稱有時到海旁跑步,「會問我跑咁遠做咩」、自己落街買東西,「問我做咩買嗰樣嘢要走去商場」、放工後到書局看新書,「又問我做咩冇啦啦去書局,係唔係同女仔去」,最誇張莫過於即使樓主安坐家中,「佢都會問我做咩唔搵吓佢傾偈」,令他「想打吓機都打得唔安心」。樓主無奈稱功能非用不可,不然女友會變得多疑,惟現在「無時無刻都覺得佢望住我咁」,讓他相當苦惱。

+2
+2
+2

iPhone的「Find My Friends」功能能追蹤朋友的定位。(Apple圖片)

不少網民見狀,均慨嘆樓主「仲慘過坐監」,「坐監都仲自由過你依家」,亦有人指如果一方要出軌,「實有辦法呃到你」,其女友做法只會辛苦大家。有類似經歷的網民則分享,稱想當年曾試過「偷偷地將個location set咗去ipad到」,讓前女友一直以為他在家中;亦有人試過用假定位,「一時定自己喺阿富汗,一時定自己喺北韓」,最後對方以為「個嘢壞咗呀」而停用該功能。

(連登討論區)

立刻Like!讚好《01熱話》:


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。