月薪5萬元唔夠養家　高登仔稱要兼職送貨　網民：搵萬幾嘅人點算

在香港，月入幾多才夠養家？有自稱月入5萬元、逾40歲做銀行的「高登仔」稱，惟扣除供樓、請工人、供養父母岳父母、儲錢交稅以及子女學費等，只剩約萬元，慨嘆「人工高唔見得手頭會鬆」，下周起將兼職駕駛電單車送貨幫補家計，引來中產網民同情，惟有人指只月入僅1萬多元都夠使，批評樓主「博愛」養太多人，更指樓主「條數匪夷所思」，懷疑其說法真確性。

下載「香港01」App ，即睇城中熱話：https://hk01.app.link/qIZYuEC5LO

有巴打在高登討論區以「香港地一個月揾幾萬都唔夠養家」為題發出帖文稱，自己年約40歲，在銀行工作，月入約5萬元，「但減人的話，我個位係高危」，妻子雖有工作，但月入約1萬元，她「揾到錢自己使，我無畀錢佢，我無畀家用，屋企所有開支我孭晒」，加上她是獨生女，岳父岳母住在澳門需要供養，而小朋友正在小學私校讀書，負擔很重。

巴打列出多項支出，指「自己全家衣食住行差管水電煤得返1萬蚊走棧，其實好緊，儲錢都難」，「二手車都唔夠膽養，只夠膽養電單車，預備用來賺外快」，慨嘆「人工少有人工少捱法，人工高唔見得手頭會鬆…隨住年紀大，孭上身嘅野就愈來愈多」，下周會做兼職駕駛電單車送貨幫補家計。

帖文一出引起多名網民討論，細看樓主條數「計埋預繳」、「原來外家兩老住澳門…呢度都扣少免稅額」，「淨係見到養埋外家，老婆1蚊都唔使比，已經唔使睇落去」，同情他難免支出龐大。

亦有網民質疑「樓主另一半唔幫手分擔下？」，指樓主妻子「份糧佢自己用，你（樓主）份糧等於家庭總收入5萬，（平均除開）每人搵2.5萬蚊，咁嘅收入養咁多人梗係壓力大，諗吓點樣重新分配啲支出啦」、「揾幾多都冇用，根本唔知自己定位，強求比自己高一個層次嘅生活質素，揾多啲只會再使多啲」、「你係慘在以為自己揾好多，喺度扮有錢人生活」。

有巴打直言「咁我搵萬五咪要去打靶，人心就係咁不足」，更有人指自己計算進修費用、強積金，只需交數千元稅，不明白樓主的稅項計法，形容「樓主條數點都係好匪夷所思」，質疑可信性。

（高登討論區）