前女同事邀出席兄長婚宴 港男收帖黑人問號 老婆:係咪得罪人?

撰文:
最後更新日期:

年尾是結婚旺季,若收到「三唔識七」人士送出的「紅色炸彈」,令人頭痛又無奈。有女網民在網上求教,指丈夫收到前女同事兄長的喜帖,但「唔識兼且未見過」,突然中獎大惑不解,她反問是否其他親戚有喜事也可邀請對方,又問丈夫「係咪得罪咗人而唔知」,網民熱烈討論,最終壓倒性建議樓主老公「唔去」。

踏入年尾,亦是結婚旺季,不少人會收到親友的「紅色炸彈」。(視覺中國)

下載「香港01」App ,即睇城中熱話:https://hk01.app.link/qIZYuEC5LO

樓主在facebook群組「柴灣人柴灣事」發帖,指丈夫與一名女子多年前曾在一間公司工作,對方「結婚嘅時候都有請飲」,丈夫「都好戥佢開心都有出席」,隨住女同事轉工,丈夫和她都「好耐冇見」,但聽聞前女同事現已榮升為媽媽。

最近這名闊別多時的前女同事,突然透過另一位舊同事樓主丈夫發婚宴請帖,樓主大惑不解,連忙追問丈夫:「點解佢請你去飲嘅?佢唔係結咗婚嘅咩?」丈夫解釋「係佢阿哥結婚請我飲啫」,樓主更加諗唔明,再問「吓?你識佢阿哥嘅咩?」丈夫再答「唔識兼且未見過佢阿哥」。

樓主形容「即刻有『十萬個為什麼』喺頭頂盤旋」,反問「你阿哥出年娶新抱,係咪可以請返佢飲?你係咪得罪咗人而唔知?」丈夫否認曾經得罪過這名前女同事,但也認同「諗極都唔明,佢阿哥結婚關我哋咩嘢事?」樓主更在網上求教「好尷尬,究竟去唔去好?」

網民熱烈討論,不少人都覺得發帖人好離譜,諷刺稱「水魚唔怕搵」,留言建議樓主「唔去」、「唔好理佢」,有網民分享其同樣收到黑人問號請帖的經歷,指大約兩三年前的聖誕節,其讀下午班的年幼子女收卡,網民指「未打開仲似為係聖誕卡,之後打開係上午班某同學父母結婚7周年紀念,12月24日擺酒邀請…我問返老公8周年使唔使擺返餐」。

(fb群組「柴灣人柴灣事」)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。