港女考8次車牌均「肥佬」 見行人衝出只懂尖叫 遭考官終止考試

撰文:
最後更新日期:

要成功考車牌有時除了技術,可能都要一些運氣,但如果考生考8次都「肥佬」,相信絕對是其個人技術出了問題。有女網民日前在facebook自爆,第8次考自動波私家車車牌合併試不合格,過往戰績包括筆試不合格,「衰超速、冇打燈、睇鏡就cut線(切線)同埋轉彎撞咗上壆等等」,最近的一次更因有行人衝出馬路,令她「個腦一篇空白唔識比反應係到尖叫」,被考牌主任基於公眾安全終止考試,要調位讓考官載她回考場。

不過,該名女網民竟仍想再接再勵,詢問:「好唔好認真考埋下一次佢?」令不少網民即時勸阻,直言「你唔適合揸車,講完」、「真係當我求下你,呢世都唔好再揸車」。

有女網民連考8次車牌都不合格,表示很灰心,但網民紛紛勸她放棄開車。圖為示意圖,與事件人物無關。

下載「香港01」App ,即睇城中熱話:https://hk01.app.link/qIZYuEC5LO

該網民投稿fb專頁「CUHK Secrets」,表示第8次考車牌自動波私家車合併試不合格,「個人勁灰」。她指,第一次因為「考天才波肥咗筆試」,之後路試曾經因超速、沒有打燈或望鏡就切線,以及轉彎撞上石壆等等的原因,而一直未能取得車牌。

該網民坦言「我都唔知點解會咁」,連教車師傅也叫她找第二個師傅教,「覺得自己好似比個天針對咁」。今次(即第8次考車)之所以會不合格,事源是她在斜路起步時,她忘記先踩油再鬆手掣,在沒有踩油的情況下,「鬆咗手掣之後畀考官踩停」。

該網民投稿fb專頁「CUHK Secrets」,表示第8次考車牌自動波私家車合併試「肥佬」。(「CUHK Secrets」fb圖片)

其後,她駛到一個燈位時看到黃燈,於是打算加速過了它,「結果去到時變咗紅燈,但衝咗出去又畀考官喺黃格踩停」。她經過兩次被踩停,她已心知不妙,不料最後正常行駛時有個行人衝出馬路,「果下好突然嚇到我個腦一篇空白唔識畀反應,喺到尖叫,最後又畀考官踩停」,最終令考官要求她駛到路旁,表示基於公眾安全的考慮,要終止她的駕駛考試,並由考官載她回考場。

樓主說,回到考場時,「場務員、保安同埋其他考生、師傅見到我同考牌官調轉咗坐,個個都呆晒嚟手指指笑我咁」,最後她詢問網民「點算好,我好唔好認真考埋下一次」,又說害怕明天見到男朋友時被問及考車結果,不知如何解釋。

帖文在網上引來熱論,大批網民紛紛叫「央求」樓主不要再開車了,「揸車唔多唔少都要靠智商同天份,可惜你兩樣都無」、「樓主妳放棄考車牌,為眾生也好,為妳自己同心愛的人也好,可以普渡眾生架」、「有時拯救世界不必好似超人,蜘蛛俠,美國隊長咁,世上小一個馬路炸彈已經係功德圓滿」、「搭返巴士喇」,甚至有人認為應該禁止其再考車牌。另外,不少人亦十分同情考牌官,直言「考官真係世界上最危險的工作」。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。