林日曦呻行40分鐘貼錢領求職信　搵工騎呢事你有無遇過？

今時今日，好工難求，公司招聘動輒收到近百封求職電郵。求職者千奇百趣，有人「以自己方式」搵工，寄出一封郵資不足的求職信，博得《100毛》創辦人林日曦注意，但一度懷疑「唔記得畀郵資，係咪屎橋嘅一部份」。

林日曦近日在facebook撰文，指收到郵局通知領取一封郵資不足的郵件，他帶有期待「行咗20分鐘去郵局……補完錢，我打開信封一看......係一封求職信。」林日曦為領這封信，透露來回總共走了40分鐘路。他又說：「專登望下封信，睇下『唔記得畀郵資』係咪(屎)橋嘅一部份，冇，冇，佢係純粹唔唔記得畀郵資，好真心。」

林日曦帖文吸引逾21,000個讚好，600多個留言。網友更分享類似經驗，表示有朋友「寄喜帖唔貼郵票」，需取消原定活動，前往補回5.6元郵資領取喜帖。有網民建議：「一定要in（面試）啦！咁有創意。」也有人認為應該「叫佢上嚟interview，問佢拎返郵費」。

人事顧問指屬「低級錯誤」

對於林日曦遇到的求職趣聞，合眾人事顧問總經理蘇偉忠回覆《香港01》表示，相信該名求職者並非有心「貼唔夠郵票」，但犯下這種低級錯誤，獲聘機會基本上「凍過水」，而僱主親自領信容易留下深刻的差印象。他又提醒，求職信大多連同履歷、學歷證明及申請表，若職位只容許以寄信形式申請，必定要前往郵局「過磅」，確保郵資充足。

每到求職季節，見工奇聞特別多，以下經典例子，你又有冇聽過、甚至遇見過：

（1）前主播魏綺珊較早前在報章專欄表示，有求職者帶著媽媽去見工，不單止陪同出席，更旁聽面試，期間媽媽一直默不作聲，但到面試最後階段，媽媽狂數囝囝「威水史」，引述該公司主管指，一定不會聘請該等年輕人。

（2）通常面試最後階段，求職者總會被問：「仲有冇任何問題？」該詢問環節，通常被面試官視為重點。中學校長潘詠儀近日就在其專欄分享，有朋友聘請辦公室助理，職位工作性質是掃描文件及電腦文書，但該求職者卻在問問題環節認真問：「整天對着兩部機器，會不會很悶呢？」令她朋友啼笑皆非。

（3）較早前高登討論區流傳一則留言，透露有90後不滿等候半小時仍未獲公司主管接見，職員表示：「等老細（老闆）是常識吧？」卻換來90後反駁：「你們這一代奴性很強！」，該名敢言90後一時成為討論區熱話。