搭小巴要求放手提袋在司機位被拒 女子影相公審不成反被網民圍罵

撰文:安祖娜
出版:更新:

不用Dennie姐多講,搭車要顧己及人保持禮貌是常識吧。近日有乘客乘搭小巴時,要求將手提袋放於司機位的旁邊,被拒絕後非常不滿,即時拍下司機的相片及車牌,分享至facebook群組企圖公審,不過卻被網民一面倒圍攻,指她才是野蠻的人,直斥:「咁多要求,搭的士啦!」

有網民乘小巴時想將手提袋放於引擎蓋位置,惟被司機拒絕,發文公審反遭其他網民鬧爆。(fb群組「巴士的事討論區」圖片)

下載「香港01App ,即睇城中熱話:https://hk01.app.link/qIZYuEC5LO

該網民早前於fb群組「巴士的事討論區」發文,稱上周五下午約5時半,於大角咀乘搭小巴時,遇上「無良叔叔Van仔司機」。她指當日乘車時,要求將手提袋放於司機位旁邊,即引擎蓋的位置,惟遭司機以一句「我話唔得就唔得」一口拒絕。

樓主感到相當不滿,即時拍下司機的相片,落車後又不忘拍下車牌以便發文公審,並於帖文怒指司機野蠻及態度過分:「乜香港有咁嘅司機,真係唱衰香港!」

樓主本以為能夠公審「無良司機」,可是網民卻對她的投訴完全不受落,反而一面倒圍罵她「要求多多」,認為司機「畀係人情,唔畀係道理」、「小巴司機位係副偈嚟,正常都唔擺得嘢架㗎喇。萬一掟彎Fing埋個司機撞牆點搞」、「你憑咩覺得你可以擺自己嘢上前面,十六個客一人擺一件你係車長你會點」。

另有網民「曲線」揶揄樓主,着她「瞓喺司機個大脾仔度嘛,當自己屋企一樣」、「我希望你個腦擺喺個頭度,唔好擺喺前面」、「van仔唔啱你㗎,買車請私人司機啦,到時你鐘意將個頭放車頭都無人理你㗎」,獲得多名網民讚好。

【熱話#同場加映1】(01製圖)
+8
立刻Like!讚好《01熱話》:
你可能感興趣