【新年大掃除】外傭要求收$500利市先肯執屋 網民鬧爆:職責嚟㗎

撰文:
最後更新日期:

年廿八剛過去,相信很多家庭都已完成大掃除準備好迎接鼠年。不過日前有網民於facebook群組求助,稱家中外傭得知要負責大掃除做家務後,竟向僱主夫婦表示要索取500元利市才會開工,令僱主大感無奈。

有僱主稱家中外傭要求先給利市後開工大掃除,更稱對方「拎完再拎」,引起網民熱議。(《嚦咕嚦咕新年財》劇照)

下載「香港01App ,即睇城中熱話:https://hk01.app.link/qIZYuEC5LO

該僱主早前於fb群組「外傭僱主必看新聞訊息」發文求救,稱臨近新年,要求家中外傭大掃除時,對方竟稱「要$500利市錢先會做」。樓主為了「好來好去」,提出給予200元利市,惟外傭卻「企硬」,直言:「Madam最好畀五百蚊我啦!我幫你執屋企,新年大掃除喎!」

雙方協議後,樓主稱丈夫答應給外傭300元利市,不料外傭清洗廚房及廁所後,突然表示因太疲累而拒絕打掃大廳,又再要求樓主夫婦給予200元。樓主忍無可忍拒絕就範,寧願自行清潔。

大批網民看過帖文直指難以置信,強調做家務是外傭的職責,「呢個唔係佢嘅職責嚟㗎咩?」、「我老細叫我做嘢都唔會額外畀利市啦」、「送本傭工手冊給她,入落利是封」、「清潔家居係工作一部份……點解你會妥協同佢講價」。

亦有網民建議樓主解傭該外傭,認為「佢已經食住你哋」,「即炒,唔使留情」、「此人留不得」、「炒得啦,不服從老闆合理要求」、「你問佢知唔知點解要大掃除?你話唔係因為新年要清潔,係因為姐姐你平時364日清潔得唔乾淨」。

↓↓世上也有盡責好姐姐↓↓
立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。