新冠肺炎|家居長效消毒可考慮光觸媒 裝修佬教你點用兼講解優點

撰文:熱評
出版:更新:

文:裝修佬
好多人都問家居針對病毒既防疫有咩可做。手就洗啦,手機就抹啦,去水喉就注水啦,呢啲大家都知。同時,市面上亦有唔少針對家居清潔消毒嘅噴劑,聲稱可以殺滅冠狀病毒。究竟有冇效同值唔值得做?

一般的消毒方法需要不斷重覆,但光觸媒就可以長效消毒。(資料圖片)

下載「香港01」App ,即睇城中熱話:https://hk01.app.link/qIZYuEC5LO

首先,冠狀病毒係難醫,唔係難殺。有啲產品可以做到消毒,一啲都唔出奇。但我哋裝修吧係唔會淨係用呢啲產品去做室內消毒,點解呢?因為太貴啦!每次消毒兩、三千,每星期做兩次,活動前後又做兩次,每月就4至5萬蚊。其實可以有一勞永逸既方案。根據醫管局臨床研究,對應可見光嘅光觸媒係可以做到大幅減低病毒感染率既效果。只要有可見光、同埋個塗層唔甩,就可以生效。

裝修佬分析光觸媒的優點,解釋為你可以考慮使用光觸媒消毒。(裝修佬短片截圖)

光觸媒可以DIY自己噴、亦可以找專業人士用專業嘅噴槍去噴,會更加黐得實淨(確保持久有效)、均勻。呢啲噴劑嘅價錢,同一次性24小時有效嘅消毒噴劑相差無幾,但就可以令室內環境有一個持久有效嘅保障。

咁你問:點解仲要一次性消毒?因為測試報告同消毒一個環境係兩回事,實驗室嘅平面測驗唔使處理空氣中浮動嘅病源,所以即使報告寫99.99%消毒,實際上在單位施工後,降低感染的效果亦只係5至6成,所以當遇到需要徹底消毒嘅事故,係需要多管齊下。但無論如何,都比一次性的消毒有效和實惠得多,絕對值得大家認識。

同場加映#更多裝修知識。(香港01製圖)

↓↓↓ 裝修佬教你清洗隔氣 ↓↓↓

+5

↓↓↓ 使用玻璃膠注意事項 ↓↓↓

作者簡介:

裝修佬是家居裝修奇難雜症專家,希望透過文章分享及網上互動,解答巿民各式裝修難題,改變大眾對裝修方式和置家理念。

作者facebook專頁:https://www.facebook.com/hkdecoman/

(文章標題由《香港01》編輯所擬。文章純屬作者意見,不代表《香港01》立場。)