侍應弄污衣服 食客索賠100元 網民轟可恥

撰文:
最後更新日期:

用餐時被待應弄污衣服,你會有何反應?

有網民上載相片至facebook指,有食客被侍應弄污衣服後,要求侍應賠償100元。上載圖片網民形容食客衣物並沒有大片污跡,批評「人哋打一日工有幾多,咁就冇左喇」。

遇到類似情況,是否需要賠償呢?《香港01》就此訪問律師及食肆老闆,添好運點心老闆麥桂培稱,遇過食客要「請飲茶」,又要取洗衣費,形容都「無辦法」。

(互聯網)

網民Kitman Chan於facebook帖文指,與女朋友到餐廳用膳,目撃侍應是無心之失,但兩人仍要求侍應賠償,最終「眼見個呀姐私下俾(錢)佢(食客)」,他與女朋友以為「係咪真係好嚴重呢?」,但轉身一看「當佢(食客)走時我見佢背影其實係冇咩污點」,兩名食客取得賠款後,亦放棄抹衣。發文者批評兩名食客「佢個人同心地我真心覺得污穢」。

帖文上載後引起不少網民迴響,紛紛指難以置信,認為兩名食客要求賠償100元是「唔想比(畀)呢餐」,「人地都係打工!使唔使咁屈人呀?」亦有網民批評食客「情緒發洩左咪算,仲要問人攞錢,可恥!」

不少網民怒斥兩名食客索賠做法有問題。 (互聯網)

律師:事主需證明有損失

若侍應遇上同一情況,是否一定要當場賠償?律師黃鶴鳴回覆《香港01》查詢時指,若侍應不願賠款,但客人堅持索賠,可訴諸法律,同時控告餐廳及侍應,但事主必須證明要有實際損失,「如果係一滴豉油整污糟個袖口,件衫都唔係啲咩名牌衫,都要告就有啲不智」。他又指,若污糟經擦拭或沖洗後已經消失,「無乜實際損失其實都好難告」。

添好運老闆:公司負責賠償

添好運點心老闆麥桂培向《香港01》指,侍應弄污客人事件時有發生,「啲腸粉豉油滴一滴,或者個客起一起身撞到,周不時都有」。麥桂培指,大部份食客被弄污均不會追究,但部份食客被弄污後會要求賠償,應對方法則是公司負責賠償,「同啲客傾,請佢飲餐茶」。若客人身上污跡較大,客人亦可在清洗衣服後「拎返張單翻嚟claim返」。

經營餐廳多年,可有見過「野蠻顧客」?麥桂培指,有顧客堅持被弄污衣服是限量版,他與客人交涉後已經「請飲茶」,但客人仍堅持賠償,唯有再賠上洗衣費,「畀完佢又屈,都無辦法」。

勞工法例設僱員賠償上限

職工盟總幹事蒙兆達指,僱員若遇上同類情況,不應私下賠償予食客,「應該同上司或者老細講,賠唔賠係公司決定」。他又指,若僱員因做錯事而令僱主有所損失,僱員以每個個案計,最多只需賠償$300或累計薪金的四分之一(以金額較低者為準)。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。