在健康遭受考驗時，枕邊人竟還「趁機奪屋」？近日1名51歲公屋男戶主在網上發帖求助，稱他不幸中風暫住入安老院，而他入院僅1個月妻子就提出離婚，甚至要求要取其公屋。他擔憂「我老婆同我離婚，搞到我冇咗間公屋」，故向網民詢問意見。

該網民近日在「公屋討論區 - 香港facebook群組」發帖求助，表示他今年51歲，是公屋戶主，與較他年長的內地人妻子結婚二十多年，育有「十幾歲」子女。他本與妻子及子女共住公屋單位，但他上年不幸中風，住院期間收到妻子離婚通知，「但係上年不幸中咗風入咗醫院而家住緊老人院，老婆喺我住醫院一個月之內即刻出離婚信」。他不安地向網民求助，「我想問我會唔會冇咗間公屋，又或者申請唔到公屋，想請問我可以點做」。

擔憂妻子提離婚會「搞到我冇咗間公屋」

面對有網民詢問是否住老人院又同時「霸佔」公屋，樓主就解釋他只是中風出院後暫住私人安老院，醫生並非建議他永久居住安老院；此外，他又表示「我老婆同我搞緊離婚，我而家返屋企嘅佢一定話我騷擾佢，無謂呀」，並指如果出院回家「咪盞我中多次風」。

樓主強調，「我唔係霸佔公屋，因為我老婆同我離婚，搞到我冇咗間公屋，我想重新申請自己一間公屋咁解。」。

帖文引起網民熱議，有部份網民指出「如果長期住在老人院你將會失去公屋」、「住緊老人院好似冇公屋住」，而樓主就擔憂表示「咁係唔係現在唔住老人院， 返屋企住」。有網民則指如果長住安老院或會被房署收回公屋單位，建議樓主「做多啲復康運動」、「快啲好返返去拎返間屋」。

另有網民分享自己老爺類似經歷，「之前老爺係戶主，佢入咗老人院長住，都要簽同意書放棄做戶主，但房署職員會去老人院探訪同簽名，仲有一張保留戶籍嘅信畀佢，隨時都可以返公屋住」，並表示「重點係你都要正常活動到，唔係點都攞唔返間屋」。

同時，有網民則詢問樓主家庭狀況，「似乎係你太太睇準機會全佔間公屋」、「個女人有冇要求要公屋？」，而樓主就表示認同，指妻子有要求要現居公屋。

公屋男稱已問房署：我有權申請公屋

樓主又指自己康復情況「都算理想」，「自理能力絕對冇問題，我得閒仲去街市買餸𠻹」。他又表示已向房署查詢，「我問咗房署我有權申請公屋」，並表示「離婚令一出，我老婆一定要求房署轉返佢名，但係原來最終都係要我簽名先至可以實行，到時我唔簽你唱我呀」。

自1999年起，房署要求長者在入住安老院後3個月內刪除公屋戶籍，但會向有需要的長者居民發出戶籍保證書，以保留重返公屋權利。

公屋戶如離婚　住屋這樣安排

另根據房署資料「公屋住戶離婚後的住屋安排」，寫明公屋住戶分居期間，房署一般不會主動要求任何一方遷出，而如果離婚訴訟完結，雙方未能就公屋租約達成協議，房署通常會支持把公屋租約撥歸獲得所有子女管養權一方（倘租約內並無其他認可住客）。

另一方則須遷離公屋單位，然而他／她可申請以下2種安排：

1. 如無法另覓居所，又符合入住中轉房屋資格，可申請新界寶田中轉房屋1人單位；及
2. 透過1人申請登記申請公屋，並可獲縮減輪候時間，減幅相等於前租約的居住期，但最長以3年為限。

（Facebook、房委會）