高登仔創氣候變化議題Card Game　眾籌10萬元6日即達標

三個高登仔，十月中在高登討論區發帖，指自己正設計一款與氣候變化、經濟角力及政治議事的card game（紙牌遊戲），帖文迅速走紅，獲逾700個正評及留言支持。
得到大量高登仔集氣加持，土炮製作的《世界議事會》（The World Council）於11月底登上Kickstarter網站集資10萬元，並於短短6日成功集資。

Creator Studio三名成員Lokson、阿生及朱寶二十歲出頭，創作紙牌遊戲《世界議事會》，在他們於高登發帖之初，已獲高登仔大讚「高質」，更建議Creative Studio將遊戲放上Kickstarter集資出售。

當《世界議事會》正式登上Kickstarter後短短6日，已達成10萬港元眾籌目標，預計於明年二月發貨。阿生坦言，高登仔反應踴躍是意料之外，更出乎意料的是Kickstarter上的顧客，有逾七成均為美國、英國及加拿大等外國人，香港人只佔數十人。至於另一個非信用卡購買平台，則有百多名港人購買。

一個關心氣候變化的「card game」

三個大男孩，為何突然創作一隻談及政治、經濟及氣候的遊戲？阿生指，港人大多到cafe玩「Party game」，單純消磨時間，而小學同學Lokson過去一兩年，一直有意創作以氣候變化為背景的紙牌遊戲，便找來另一朋友朱寶一同研發，經過三四個月時間便成功創作。

Lokson對氣候變化議題特別重視，氣候難民更是他關注的議題之一。Lokson指，遊戲中「島國」紙牌的原型來自氣候難民，「太平洋島國好難防範海平面上升，香港相關新聞都唔係好多，所以呢個議題係需要關注」。

透過遊戲關心世界

《世界議事會》共有過百張紙牌，適合三至六人同時參與，要由零開始學懂遊戲「其實唔難」，大約半小時便可以。遊戲背後，有Lokson對世界的關懷。他表示，現時世界面對的問題並非一言一語可以說明，「你真係要用腦，去代入、去體會，先可以知道背後究竟係發生緊咩事」，他認為玩家代入某類國家的身份時，便會了解各國背後的角力，「希望整成遊戲，啲人會有心去了解」。

玩法：
每人先抽一張「國家牌」，有機會抽到島國、發展中國家、極權國家、超級大國及發達國家
遊戲附有四張指數牌，分別是溫室效應指數、飢荒指數、旱災指數及世界大戰指數
玩家會在遊戲過程中興建不同類型的建築物，但與此同時亦會增加上述四種指數
每個國家均有不同勝出及落敗條件，例如發達國家的勝出條件為建設三個單位的能源建築物及四個單位的水源建築物；但若全球旱災指數達18，發達國家玩家便告落敗

呢隻game嘅原意，某程度上係鼓吹一齊輸！

反思為何會「一齊輸」

不少策略遊戲均要求玩家絞盡腦汁取勝，但《世界議事會》卻是一隻會令玩家「攬炒」的遊戲。正因如此，Lokson便將以不同國家為背景的遊戲，加入與眾不同玩法，「如果你因為自己、為自己嚟諗得愈多嘅時候，其實就愈容易輸」。

阿生補充指，「呢隻game嘅原意，某程度上係鼓吹一齊輸」。他們希望玩家明白，每個國家的決策均會影響全世界，「一齊輸呢樣嘢，就係想啲人一齊去體驗一次，佢做嘅行動係會令大家一齊受害」。

盼開發保育Board game

除了紙牌遊戲，下一步會開否開發App版或線上遊戲版《世界議事會》？阿生指，Kickstarter中籌得不同款額會解鎖不同項目，籌得港幣一百萬所解鎖的「Special Something」，就是希望將遊戲虛擬化，「到時App會優先搞」。

在《世界議事會》以外，Lokson指，眼見近年香港出現不少環境及文化保育衝突三人亦密鑼緊鼓籌備下一隻有關發展與保育的Board game（桌上遊戲）。Board game不會完全以香港作為背景，「都係有個地圖咁」，但Lokson強調，「如果你作為一個香港人，玩呢個遊戲嘅時候，就可能體會到係香港」。