【自爆】商台前DJ阿喱上討論區 論盡黎明、森美、叱咤

撰文:
最後更新日期:

回到10年前準時扭開收音機的年代,「我哋一齊向全能嘅多啦A夢禱告」,兩個男人,Leo(詹志文)及阿喱(張家豐)在節目《空中喱民》,每日為當代年輕人聲音導航。

商台前DJ阿喱,近日以真名在「新高登」的人氣討論區「LIHKG(連登)」發文,「前商台小DJ+前A記(A Music)小員工轉行做IT,你問我答」,引起一眾網民興趣,紛紛追問「叱咤有冇造馬?」、「森美係咪好難相處」、「黎明係咪滿口金句」等等,阿喱亦逐一解答,充滿笑位及鮮為人知的秘聞。

阿喱(右)與Leo(左)合作主持《空中喱民》,阿喱表示「是商台時最快樂嘅日子」。(網上圖片)

「《空中喱民》是商台時最快樂嘅日子」

34歲的阿喱,當年大學未畢業自製「4分鐘demo」,自薦加入商台,僅22歲已在個人節目《乜嘢地獄》開咪。不久更與拍檔Leo合作主持《空中喱民》,反應盛極一時。阿喱在「連登討論區」回應網民時便指,形容空中喱民時期是「商台時最快樂嘅日子」。

「TVB關公王」曾醒明論盡各大老闆:陳志雲如仍坐鎮 改寫電視圈

在中大讀書時,阿喱已自製demo,向商台自薦。(中大圖片)

阿喱以真名上討論區發文。(網上截圖)

阿喱接受《香港01》訪問時表示,「我本身就流住高登嘅血液,之前好鍾意上高登,到而家上連登」。

解謎一:衛蘭瑜伽唱片封面

阿喱在星期一(1月2日)開始,在連登討論區,以真名發帖「你問我答」,大爆商台及黎明的秘聞。開首便有網民問「AMusic搞成咁,你有無責任」,矛頭直指2009年衛蘭以高難度瑜伽動作製成的唱片封面,慘被恥笑,阿喱回應「(自己)有抱負,無實權,見住個yoga cover(瑜伽封面),我的無奈不比任何人少」。

2009年衛蘭以高難度瑜伽動作製成的唱片封面,慘被恥笑,阿喱回應「(自己)有抱負,無實權,見住個yoga cover(瑜伽封面),我的無奈不比任何人少」。(網上圖片)

(自己)有抱負,無實權,見住個yoga cover(瑜伽封面),我的無奈不比任何人少。
阿喱回應衛蘭唱片封面

解謎二:叱咤頒獎禮「造馬」?

對於坊間有意見認為「叱咤頒獎禮」賽果有欠公允,阿喱就指「今天畀你做蛋,下年畀你做高牆,出得嚟行,遲早要還」,又指「頒獎禮本身都係一個show,冇收視大家攞咗獎都冇人知」。他坦言獲獎除了實力之外,亦講求關係。阿喱隨即舉例指,當年自己仍是「小小PA仔」,祖兒也願意花時間與他聊天,「所以佢(祖兒)喺業界受歡迎係有原因」。

解謎三

網民:森美好難相處?

阿喱:當日我唔乖唔合群。

自言當年「未見過世面,又唔識同人相處」,形容自己想保護自己,「其實當時喺903我係最弱勢嗰個」。2009年離開商台時,阿喱不斷傳出與Leo及森美不和的新聞,有網民問「森大哥(森美)係咪好難相處?」

阿喱坦言,「睇人嘅啫,當日我唔乖唔合群,我覺得佢難相處嘅同時,難道佢又覺得我易相處?」又指當日他有「憎」森美,但心存感激,「一個肯明刀明槍公開鬧你嘅人(森美),心地壞得去邊?」

「鷲哥」吳岱融憶新加坡服兵役:如入少林寺修行

有網民問「森大哥(森美)係咪好難相處?」阿喱坦言「睇人嘅啫,當日我唔乖唔合群」。(資料圖片)

入行時工資只得4位數 「快樂有時真係唔係用錢去measure」

阿喱更自爆當年加入商台時,月薪僅得4位數,「反正都係買唔到樓,餓又餓唔死彈又彈唔起囉,入得文化界就預左有排都唔洗交稅,但快樂有時真係唔係用錢去measure(計算)」又寄語「唔好覺得同你唔同諗法嘅人就係敵人,咁唔會令你出色咗」。他認為年青是本錢,不用設定太多遠大目標,「做咗先講」。

唔好覺得同你唔同諗法嘅人就係敵人,咁唔會令你出色咗。
阿喱

阿喱(右)在連登討論區,以真名發帖「你問我答」,大爆商台及黎明的秘聞。(網上圖片)

阿喱自爆當年加入商台時,月薪僅得4位數。(網上圖片)

解謎四:黎明係咪滿口金句?

離開商台之後,阿喱加入黎明旗下「AMusic」任職總經理,回想有一次食煙的時候,他有兩聲咳。

當時他與黎明有一段很有深度的對話:

黎明:喱!食煙嘅人有兩種!

我:⋯⋯

黎明:一種係俾支煙控制你個腦!另一種係控制你自己個腦去食支煙!

我:⋯⋯

黎明:你係後者,因為你咳嘅時候會食薄荷煙!

我:⋯⋯嗯

對於電台近年青黃不接,不復當年勇的批評,阿喱接受《香港01》訪問時表示「大家都是有份轉型的一群,有份離棄電台,點解又要去懷緬,長噓短嘆呢?」他認為商台人才非常之多,反而應該去想如何做得更好,他以匯控股價比喻,「以前120蚊,而家得返60幾蚊,冇理由不斷回想以前幾勁幾輝煌」。

阿喱:冇理由不斷回想以前幾勁幾輝煌

由電台走到唱片公司,再到現在轉行從事IT的阿喱,即將推出一個投資股票的App,一路走來改變極大,「順住際遇嚟行,我唔係一個好固執嘅人,當機會嚟到,加上自己有興趣,就會捉住」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。