【摺埋】自嘲最後一代專欄作家　王貽興：好難相信一份報紙冇靈魂

斷斷續續連載13年，在報章刊登逾千篇專欄文章《路中拾遺》，作家王貽興昨日在社交平台表示，「成個副刊專欄將要摺埋，冇得寫了，話唔唏噓只係呃自己」。
王貽興向《香港01》表示：「好難相信一份報紙只有『外在、面口』，但冇靈魂。」

作家錢鍾書《圍城》這樣說︰「城外的人想衝進去，城裏的人想逃出來。」這個「城」若解作電視城的話，進出兩次電視台，連師奶也叫得出名字的「貽興王」，便是逃出來的那一位。忠於文字，不做藝人的王貽興，2017年只過了一星期，便自嘲「唔覺唔覺竟然成為最後一代專欄作家」，因為一直連載《東方日報》的專欄，被通知須要結束。

「副刊專欄係一份報紙嘅風骨靈魂，冇靈魂冇風骨，都冇用」

王貽興的專欄《路中拾遺》，在大學畢業後不久便開始在《太陽報》連載，但整份報章於去年停刊，專欄轉到同集團的《東方日報》繼續連載，結果不足一年，整個副刊專欄又要結束。王貽興昨日（1月7日）在facebook概嘆，「記得細細個聽前輩講，話副刊專欄係一份報紙嘅風骨靈魂，時事就係佢嘅面口，就算一個人面口幾吸引都好，冇靈魂冇風骨，都冇用」。

靠專欄畀家用　清還學生貸款

自言既羞愧又無奈的王貽興，這個專欄在大學畢業後不久便開始寫，「靠佢嘅固定收入，我先畀到家用，還到grant loan（專上學生貸款）支持到生活」，寫出《無城有愛》奪得「香港中文文學雙年獎」，專欄陪他兩次進出電視台，至親離世。

「人生順逆起跌，各種經歷，都被我改頭換面，濃縮成一粒粒濃湯寶一樣嘅500字方塊文章，記錄低我嘅喜怒哀樂」。他又提到稿費雖然十多年沒有調整，「越嚟越多文章因為政治敏感同自我審查畀人彈返轉頭」，但他沒氣餒，改到可以刊登為止，認為專欄即使不被看好，「多少都可以傳遞（信息）出去」。

王貽興：「冇咗原本安身立命嘅地方，係香港共同的悲哀命運」

王貽興又形容「被結束」的專欄，「就好似一間住咗好多年嘅屋，忽然畀人勒令遷拆咁」，他現正身在外地，以電話接受《香港01》訪問時表示，「等同好多人住緊嘅屋，被社會發展而被逼遷，冇咗原本安身立命嘅地方，所以都係香港共同的悲哀命運」。

王貽興續指，即使現在紙媒沒落，趨向網上，「網上都有好多傳媒仍然可以有專欄，只係某啲決策者唔識諗，唔明白，一旦經濟唔好，總之就cut budget（節省成本），cut得就cut」他強調，時事新聞是一份報紙的「面口」，但專欄就是風骨、靈魂，「好難相信一份報紙，只有外在、面口，但冇靈魂。」

步進網上皆「免費」的時代，王貽興表示，新晉作家可以在facebook、討論區，很多渠道上載自己的文章，而他就是在「夾縫中成長的一代」，有這種對舊有事物被消失的負擔。

而專欄《路中拾遺》於下星期一開始（1月16日）開始，將會變成網上專欄，每日中午12時在王貽興facebook個人專頁發佈。