【唔再直播？】打機片版權惹爭議　達哥貼文喊冤：為何被指責？

網絡紅人「達哥」（林慧韡）靠直播打機成名，但近日有關直播片段的版權問題，導致達哥在facebook專頁公佈，「事件越演越烈，本人也感受到巨大壓力，身體及情緒都無法應付開台直播，無法同大家愉快聊天」。
今晚（1月20日）達哥於facebook出「post」公開事件始末，強調有嘗試與「backup佬」溝通，而且「無直接叫任何人唔好再upload我啲片」，但未有任何動作，便已被人圍攻，慨嘆自己從無於backup片段過程中獲得利益，「為甚麼被指責的還是我？」達哥留言得到大批fans留言支持，認為達哥即使要採取行動維護個人版權，亦是理所當然。

達哥幾乎每晚都在直播網站Twitch直播打機過程，但由於網站對於翻看舊片有時限，亦有數量限制，變相不方便網民隨時翻看舊片。一直以來網上也有人將達哥的直播打機片段「backup（備份）」，再上傳到自己YouTube頻道吸引點擊率，並因此獲得大量點擊率，得到廣告及YouTube分紅收益。

「backup」工作可牽涉到剪接、加字幕、加音樂等再上載到YouTube，達哥最近就想自行做「backup」，但遭大批網民抨擊，有指早期達哥未成名時，並無反對其他人將其直播「backup」，反而現在成名後即叫停。

網民：達哥有今日名氣地位「backup佬」功不可沒

有一直收看達哥直播的網民表示，「backup佬由佢未成名已經幫佢做backup，連chatroom（聊天室）都幫佢錄埋，以前Twitch（直播網站）個重溫無用，無backup佬真係唔掂」，又指達哥「哦而家你成名喇威喇想自己做返喇，得！完全無問題，但唔該你對backup佬客氣啲」。反指，達哥有今日的名氣及地位，「backup佬功不可沒」，批評「『達哥』呢件事成功唔係靠你林生一個架咋，好多俾心機剪精華、mix歌嘅朋友都幫你唔少，希望佢（達哥）有自覺！」

其實達哥早在上月的直播中，亦有提到版權問題，大意指有人將原作人的影片備份再上傳到自己的YouTube吸點擊率，形容為「偷嘢」，「通常講到版權問題，有人就會話人哋加字幕喎，好辛苦喎都有功勞，呢個說法係講唔通，黐線嘅」達哥續指將影片備份的人，靠影片點擊率每月就有可觀收入，「加字幕係有心思，你攞去賺錢嘅時候，你有冇問過原作者？」達哥又反問盜片者會否將偷片得來的錢向原作者分一杯羹？他自答「梗係唔會啦」。

達哥在直播中又解釋，「李安有部新戲要上畫，有老翻友入戲院偷拍，唔通可以解釋為『我拍老翻舉機拍片唔通唔攰，拍成兩個鐘，好辛苦㗎』，最後套戲受歡迎，亦冇理由『要多謝老翻令到多啲人睇，你估咁多人入戲院睇呀？』」

有「backup佬」知悉達哥想自行做備份，私下傳短訊予達哥了解，亦停止backup，但達哥一直沒有回覆，此舉在網上亦牽起罵戰，批評達哥「唔禮貌」。雖然有不少網民支持達哥指，「唔係要抹殺backup佬嘅付出，但老實講backup佬唔做自然會有其他backup佬做，但達哥只有一個。記住晚晚辛苦直播陪你嘅係達哥」。又指版權一直都在達哥一邊，「今次其實無論人情同道理都係達哥度。由頭到尾都係講緊達哥自己默默up（上載）片，又冇唔畀你做，up番自己片都唔得？」

但達哥對於「滿城風雨」難以釋懷，昨晚（1月19日）表示「身體及情緒都無法應付今晚（昨晚）開台直播」，又表示事件發展至此，必須要有交代，指出今日會再公佈事件。