西環街頭驚現性玩具　路人發文急尋物主　網民：聖誕有鹿角好正常

路上出現失物十分平常，但出現的如果是性玩具就難免令人覺得驚奇。最近有網民在facebook群組上載照片，指在西環街頭竟然出現1支性玩具，笑言物主請盡快取回，「差啲被隻狗叼咗」。帖文引來網民熱烈回應，提醒物主盡快認領「男友」、「姐夫」，不過亦有人笑言聖誕將至，「有鹿角好正常」。

樓主在facebook群組「西環變幻時」上載該張照片，可見在路上出現1支紫色及白色的性玩具，他問「邊個跌咗件玩具喺第二街同西邊街交界？快啲執返佢，差啲被隻狗叼咗！」

帖文引來網民熱議，有人笑言聖誕佳節將至，街上有「鹿角」正常，「聖誕節前夕，街上有鹿角好正常」、「聖誕裝飾鹿角嚟啫，你呃我唔到」。留言亦提到樓主看到失物就應該幫忙處理，「小學都有教，見到唔係屬於自己嘅嘢，要交畀警察」、「路不拾遺，你唔係唔拎去差館呀嗎？」。

（facebook群組「西環變幻時」）