城大講師不忿「走堂」成風 下載Notes設密碼 學生:玩到咁盡?

撰文:任意行
出版:更新:

你有「走堂」計,我有「密碼」梯?昨日(周三)有人於社交媒體專頁貼出一封城市大學講師發出的電郵,當中講師表示對學生「走堂」曠課感到失望,決定將電子版課堂筆記鎖上密碼,要學生親臨課堂方可解鎖,令學生不禁表示「洗唔洗玩到咁盡?」。

講師:要上課才有密碼

被貼上facebook專頁CityU Secrets 的該封電郵,講師以英語表示對過去兩星期學生曠課的情況感到失望,又指「或許自己做得太多」令學生以為不必親臨課堂。於是決定今個星期開始,電子版課堂筆記的簡報檔案(ppt)將鎖上密碼,而密碼只會在課堂上透露。電郵又提到,每次會準備10份筆記影印本予學生,先到先得。

城大早前被指涉「報細」學生人數,藉以誇大師生比例催谷國際排名。(資料圖片)

網民: 迫學生出席如「小三大肚留住個男人」

電郵流出後,短短一日吸近兩千讚好之餘,亦引來不少留言「教路」,指學生只要派數個代表上課,再記下密碼即可,甚至表示要派人拍照記下筆記資料。亦有人覺得設置密碼「其實係懲罰唔想上堂,但又無朋友嘅人」、「 曾經有人講過 用attendance(出席率)嚟留住學生既prof(教授) 就好似小三用大肚嚟留住個男人」,又笑言可能只有該10份先到先得的影印本才是能夠奪A的「真.notes」。

除了建議學生如何「見招拆招」外,也有留言支持老師的行動,指「其實都唔係太盡」、「你地玩得太盡,阿Dr. 咪同你玩得盡d」、「 其實佢都算有heart,逼人上堂」,並籲學生如其想盡辦法「解碼」,不如認真上課。

不過,亦有人向講師獻計如何「再玩盡啲」:

將筆記中的關鍵字刪去,待學生上堂「填格仔」。
將電子版密碼拆開,在不同的時段以「擠牙膏」式讀出,待學生上完整堂方可獲得密碼。
索性不派筆記,讓學生上課記重點。