fb「名校Sercets」潮玩疊筆　「薯片」畀Like：同學可考慮讀建築

已報名參選特首的曾俊華於社交媒體上魅力非凡，昨日更以其專頁「John Tsang 曾俊華」帳戶，去到中學生講心事的fb「名校 Secrets」專頁「俾Like」，有學生網民即報以驚訝表情emoji。

「名校Secrets」fb專頁至今有超過25萬人讚好，是中學生留言講心事的集中地，內容圍繞校園生活或是抒發感情苦樂。此外，學生最近又「潮玩」疊筆，不時有學生張貼將疊筆「成品」比併時間及高度，最近一幅照片顯示學生15分鐘將筆疊至66層，吸引超過500人讚好，包括曾俊華。

薯片：比我當年精彩好多

曾俊華競選辦公室回覆《香港01》表示，曾俊華一直想了解學生上堂情況，看到fb上有張「原子筆層層疊」後禁不住大呼過癮，「其實幾好笑，比我當年精彩好多」。他又說：「想知總共有幾多位同學幫手先起到座塔，同學大學選科可考慮讀建築，勿浪費潛質。」