【天水圍有情】新北江Q餅大王:賺少啲大家開心就值得

最後更新日期:

由從前被標籤「悲情」,到上 月林鄭月娥被指「嫌遠」取消到訪,天水圍予人印象總是帶點「灰暗」。

然而,走進區內舊商場「新北江」,卻又是另一番景象。小店五光十色,美食香味撲鼻,還有一片叫賣聲、談笑聲。

61歲「Q餅大王」顏老闆表示:「度度都有人唔開心,我鍾意呢度(天水圍),空間大,同街坊講講笑笑又一日,搬去第二度會唔習慣。」

在天水圍新北江商場經營小店超過12年的顏老闆,與客人總是有傾有笑。

手指一指「呢個由小學食到而家大學畢業」,未幾又遇見熟客「呢個專登揸車過來買」,旁邊伙記笑說「老闆記性真係好好,好鍾意同人傾偈」。

老闆與顧客 超越「你好、多謝」的關係

「唔好講到天水圍咁悲,個個聽到天水圍都窒兩窒,但我鍾意呢度,空間大,有人情味,喺度住得耐做得耐,你叫我搬到第二度,我唔會習慣」。的確,61歲的「真意小食」顏老闆向《香港01》記者表示,於新北江商場經營12年,店舖幾乎每分鐘都被人群(客人)包圍,顧客與老闆的關係,除了「你好、多謝」一買一賣之外,還有一份濃濃人情味。訪問間,老闆每隔幾分鐘,便會遇到熟客。

兩名顧客均表示,由中學開始光顧,直至大學,畢業後也繼續光顧,都認為老闆很風趣,比起其他店舖多了一份人情味。

有婦人甚至由錦田駕駛半小時找老闆,除了想念小食之餘,也說一家最新近況,「幾個月之後要移民喇,阿仔過英國讀書」,老闆大感可惜,「住得咁好,阿仔由幼稚園食到大,咁快就走……」,也許這種關係,不算親友,超過熟客,不是純粹八達通「嘟一嘟」的關係。

見到有小朋友購買最受歡迎的Q餅,老闆都會在餅上畫公仔,哄小朋友。

小朋友站在店前,期待Q餅的製成,充滿喜悅。

老闆見到客人總是先寒暄幾句,談天一輪後,甚至會忘記客人買甚麼,然後雙方又一笑置之。

也許建立這種關係,吸納熟客,並非一朝一夕的事。老闆大約18年前在旺角開舖,連續蝕錢3、4年,仍繼續做,至第5、6年才有起色,卻不敵加租,最終敗退旺角,轉到天水圍新北江,直至今日,「而家Q餅好似好出名,好受歡迎,但失敗過很多次」,試過一日賣不到兩份,「唯有繼續做,做好啲,不斷改良,今日做到今日最多配料的Q餅」,甚至有街坊笑稱他是「Q餅大王」。

坊間都認為天水圍「冇乜嘢食」,5年前梁振英競選時落區天水圍問老闆「乜嘢係Q餅」,最後買了一份「雞蛋仔」。

5年前梁振英落區:「乜嘢係Q餅?」

「好多人覺得天水圍冇嘢食、冇特色,梁振英5年前競選,落區天水圍都問我Q餅係乜嘢」,一個「L字型」的店舖,面積未必很大,但有齊Q餅、雞蛋仔、夾餅、章魚丸,煎釀三寶等等,應有盡有,價錢公道,老闆形容「呢度大人細路都鍾意,多嘢揀,好多女仔買個Q餅當食咗飯」。話口未完,便有兩個在商場工作的客人,買下兩個Q餅,向老闆表示「好肚餓,未食飯」,與老闆有說有笑。

店裡小食的定價亦甚為公道,就似街坊指「喺外邊食唔到呢個價」,就以章魚小丸子為例,只售13元,老闆也自誇地說「全港最平應該係呢度」,連鎮店之寶「Q餅」連三款配料也僅售19元,老闆指「呢個餅賣到去銅鑼灣嘅話,可以賣30元,但呢度街坊街里又唔同講法」。

老闆:賺少啲,大家開心就值

不單與顧客的關係亦鄰亦友,與員工的關係亦「不似老闆」,老闆說「呢度做嘢好簡單,好家庭式,師奶打工最緊要做得舒服,千祈唔好有架子」,好像兩個月農曆新年,老闆讓員工休息至年初一休息至年初八,「員工重視新年,有時賺少啲,大家開心就值,我哋呢度好簡單」,訪問前一日,店裡有兩名員工在清明節當日臨時請假,導致不夠人手,有一半店面也需關閉,但老闆仍說,「員工有急事先會請假,做得開心,佢哋都唔會亂來」。

老闆現時心態,賺錢不是首要,最重要是「做得開心」。

老闆坦言,「工作做得舒服」很重要,以前很想創業幹一番事業,很想賺大錢,年屆60,體力不繼,仍堅持每日落舖兩三小時,「有時見吓啲客都開心,有啲客見到我先買嘢」,他亦有所感悟,認為時至今日「搵到兩餐,夠錢出糧,做得開心已經夠啦」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。