80後港男　大埔踩過萬公里單車到非洲　「旅行唔係為逃避現實」

一輛單車，可以帶你走到多遠？80後​鄭翎軒（阿翔）一年前騎上單車，從大埔出發橫跨歐亞各國、踏過1萬2千公里至非洲埃及。仍在旅途當中的他雖有感熱情減退，但自言要靠堅持走完剩下的路。終點站是南非，旅程還在繼續。

（阿翔自製影片總結上半部份的旅程，更多照片可點撃下方圖輯）

1.2萬公里單車旅途至埃及　終點站南非

本身為知名旅遊指南《Lonely Planet》中文版作者的阿翔，12年前首次獨自前往西歐旅行後愛上旅遊。他曾在澳洲工作假期、擔任日本311地震義工及探訪坦桑尼亞孤兒院。又到過非洲摩洛哥及西撒哈拉，足跡遍佈歐亞。去年5月，他帶同長途旅行單車白龍（名字取自《西遊記》的白龍馬），從大埔出發踏上前往非洲大陸的無盡旅途。經過中國、哈薩克、格魯吉亞、土耳其、塞浦路斯及中東以巴等共15個國家、經歷352天的1.2萬公里旅程，最終踏上非洲大陸的土地。現在阿翔的旅程到了埃及，預料將跨越整個大陸，前往非洲最南的國家南非完成旅程。他預計接下來會踩入人跡罕至的撤哈拉沙漠一帶，「可能幾百公里都冇人冇補給，心情比較緊張，難度會比以往更大。」

日騎60至100公里　愛車新疆被盜

現時每逢日出起床出發，每日騎行約60至100公里的阿翔。自言最初只是因為「鍾意世界地圖同旅行，當時都諗住經陸路，心諗不如一不做二不休，癲啲，用最慢嘅速度(騎單車)去旅行。」於是他用了一年時間鍛鍊身體及規劃路線後，毅然起行。不過旅程初段卻出師不利，「白龍」於新疆烏魯木齊被盜，阿翔需要另覓單車繼續旅程。而在天山一帶騎車時，因為速度比預想慢，結果到了下午5時仍在山上未能覓得住宿地。在資源不足下於山上過夜，「好彩最後搵到水源，有水就唔使死。」 

當地人贈食物支持　帶路體驗另類夜生活

旅途中令阿翔印象最深的，卻不是當中的艱險或障礙，而是與當地人的近距離接觸：「烏茲別克有個路邊賣生果嘅婆婆叫停我，送咗幾個蘋果俾我，一直唔肯收錢。仲向我做咗一個書的手勢，表示佢信奉嘅宗教要佢幫助路人。」「有次借宿烏茲別克，主人家夜晚帶我出去玩，原來佢哋穆斯林有啲清吧係唔飲酒，只會飲果汁、傾吓偈。好得意，未嚟過唔會知原來有啲咁嘅夜生活。」阿翔說，騎單車旅行不像乘車或飛機能跳到景點，目的地之間可能要花費2至3天路程，路上發生甚麼無法預計，是單車遊最有趣的地方。

不逃避現實　不為一口氣旅行

經過一年的磨練，阿翔亦承認「現在唔夠當初單純、耐咗一定會悶啲。甚至去到一啲地方冇乜感覺。感覺到長時間旅行不能只靠熱血維持。堅持心態係好大挑戰。」感覺下半段旅程才是真正挑戰的他，體驗到旅行其實不會與想像一樣盡是浪漫、美好。更多是伴隨著起伏和挑戰「出到去見到嘅挑戰比平時生活更現實更快。見過同樣長途旅遊嘅香港人，覺得出嚟仲辛苦過喺香港。唔好只係為咗逃避現實出走、裸辭旅行，旅行唔係為一口氣。」

「有時香港啲價值觀好奇怪，見過廣告話投資財富等於投資幸福。但點解要你話我知咩係幸福呢?」他說，明白很多人的負擔和家境有所不同，惟一能做到的是在有限空間裡面盡量找自己的路 ，「生命好多可能性，幸福唔一定要去旅行，但最緊要知道自己想要咩。」而旅行對於阿翔，或許更多是種幸福。