國泰炒IT人的禍？　葉一知轟坐國泰訂兒童餐欠奉

國泰航空上月底解僱77名資訊科技部管理層，稍後會再有解僱行動。著名博客葉一知在fb發文指，上周與孩子乘搭國泰前往日本，事先在網上選定兒童餐，豈料去程及回程國泰都未能提供兒童餐，他批評國泰網上系統設計差，更指「我唔知呢個係炒幾百個IT人的結果，定係原因」。

著名博客葉一知今午在個人facebook專頁上發文控訴國泰網上訂餐系統落後。事源上週葉一知與太太和孩子搭乘國泰航空前往福岡旅行，葉一知指數月前訂機票時已為孩子選兒童餐，並顯示成功，但上機後機組人員表示沒有相關記錄，又指「因為BOOK機票時未編座位（在網上CHECK IN時先揀座位），所以可能BOOK唔到」。

葉一知稱，「如果要有座位先BOOK，咁訂票時你點解畀我訂兒童餐呢？同埋兒童餐要求當然係跟個兒童名，點解會變咗跟位呢？」，並指用國泰APP辦理登機手續時，並無餐飲選項，才以為已經成功訂兒童餐。

回程又無餐　葉一知：死無對症

至回程時，葉一知提早40小時在APP辦理登記手續，這次同樣沒有餐飲選項，唯有上國泰網頁才在自助訂位管理服務頁面成功訂餐。葉一知稱與太太同時看到版面顯示為「SUCCESSFUL（成功）」，才放心上機。

豈料上機後同樣沒有兒童餐，機組人員指沒有記錄，更指「其實今日都有十個客人訂到特別餐 ......」葉一知指自己沒有截圖證明成功訂餐，「呢一刻已死無對症，再講落去有咩意思？我當時只係非常後悔，點解成功咗我冇CAP圖？可能係因為我對呢間航空公司仲有信心。點知，最後講到好似我屈佢要畀個兒童餐咁，呢吓先難頂。」

每一步都要截圖

葉一知下機後登入國泰網上系統，發現原先要求兒童餐由「成功」變為「處理中」。他強調自己並非要求賠償、道歉，只是無法理解為何國泰連訂餐系統這種基本服務都無法做好，「我唔知呢個係炒幾百個IT人的結果，定係原因」，又指使用國泰電子服務每一步都要截圖，或者寧可選擇其他航空公司。

《香港01》 正向國泰了解事件。