【一首歌】陳奐仁MC Jin《甚麼都不做》 「就這樣渡過了一天」
撰文：彭嘉彬
出版：更新：
平日返工咁忙碌，襯著週末落雨濕濕，好應該做一啲平時唔會做嘅嘢。例如係乜都唔做，攤喺屋企張床上面，聽吓一啲平時比較少聽嘅歌。如果你認同我嘅講法，或者陳奐仁同MC Jin嘅專輯《買一送一》會幾啱你哋嘅口味。全碟主打Acoustic樂器，R&B曲風，加上MC Jin隨心嘅Rap詞，造就出呢張所謂「Shotgun Project」嘅製作。十首歌曲各有題材，不過離不開生活上的瑣碎，歌詞直接到肉，以十天完成十首作品來說，實在是Raw得嚟又相當精煉。當中一首《甚麼都不做》更是令人印象深刻。
《甚麼都不做》正正收錄於這張2010年的專輯《買一送一》，作曲編曲監製作詞幾乎由陳奐仁一人包辦，當然Rap詞方面則是由MC Jin負責。這首歌原來是專輯製作過程中的第一首歌，當時MC Jin每天上到陳奐仁的Studio時也會被問同一個問題，就是：「How do you feel today? 你今日心情如何？」而MC Jin第一次的回答便是：「I feel lazy today，甚麼也不想做，我本來都唔想嚟。」於是便促成了這首《甚麼都不做》。