【一首歌】古天樂《今期流行》勁洗腦　「流行椎名林檎」

「今期流行　流行椎名林檎」呢一句相信大家都聽過，就算唔識唱晒成首，都一定識唱呢句；唔少人仲可能因為首歌先認識椎名林檎，搵下搵下仲可能聽埋東京事變呢隊Band，《積木遊戲》、《丸之內虐待狂》、《透明人間》、《閃光少女》等等，由椎名林檎、東京事變創作嘅歌曲都值得大家聽聽。

講返轉頭，古天樂可以話係歌、影、視三棲發展都做得成功嘅藝人代表之一，演過《尋秦記》入面嘅項少龍、又拍過《絕世好Bra》、《絕世好B》、《寶貝計劃》、《竊聽風雲》等等嘅電影，至今都冇停下演出嘅步伐，剛剛又有合家歡新戲《喵星人》上映，真係唔簡單。

雖然可能有部份人記得佢講國語麻麻地，歌藝麻麻地，不過點都好古天樂都係一個歌、影、視三棲發展都相當有成績嘅藝人。