【中國新歌聲】周董搶嘻哈妹 加國回流女Rapper又有freestyle ?
撰文：彭嘉彬
出版：更新：
聽日又到一星期一集的《中國有嘻哈》，唔少朋友未出發先興奮，已經睇晒預告打定底。不過今晚都唔弱，事關浙江衛視嘅《中國新歌聲》一樣有睇頭！每集齋睇陳奕迅、周杰倫、那英、劉歡幾位導師唇槍舌劍搶學員已經夠精采。而今晚節目開始不久，已經有一位學員以Hip Hop音樂參賽，到底喺《中國新歌聲》呢個節目又work唔work呢？
未正式出場唱歌前，節目組已特地為Angel安排一段Rap大騷實力，仲可以順便賣廣告！ (影片截圖)
26歲加拿大華人莫安琪(Angel)，將劉歡的民歌作品《好漢歌》改編成Hip Hop音樂，不但令劉歡讚嘆不已，連陳奕迅跟周杰倫也爭相為這位女Rapper按下燈掣，希望能她收進戰隊囊中。這位畢業於英屬哥倫比亞大學的女Rapper自小學五年級便開始接觸說唱，所以她媽媽從Angel小時候便很擔心，更問Angel為何年紀這麼小就喜歡這樣叛逆的音樂。但後來Anegl把自己的作品給媽媽聽後，便轉變了態度，認為Anegl的音樂是正面的，而周杰倫也忍不住插嘴：「外國人的嘻哈歌詞都是黑暗面，但是我覺得華人要有點不一樣。」，最後莫安琪可能因同聲同氣的關係，而選擇了進入周杰倫戰隊。
帶有中國風嘅Rap，的確對導師嚟講係幾有新鮮感嘅！
就像《中國有嘻哈》的選手一樣，他們的國語嘻哈作品中，大多沒有太負面的用字及態度，跟莫安琪的風格不謀而合。不過《中國新歌聲》始終都係賣「歌聲」，Hip Hop音樂始終都係輸蝕一啲，唔知佢可唔可以一直捱到最尾。但講開又講，其實點解莫安琪唔去參加《中國有嘻哈》呢？
唔知佢去參加《中國有嘻哈》嘅話，吳亦凡會唔會問佢有無Freestyle呢？