陳奕迅麥花臣開騷 只開兩場點樣搶到飛？
撰文：彭嘉彬
出版：更新：
Eason陳奕迅自2013年紅館的《EASON's LIFE》演唱會後，也沒再在香港正式舉辦個人演唱會。這位被喻為最有感染力的香港男歌手，曾經開騷唱到聲沙沙，近年現身各大頒獎禮及活動演唱時，也試過被狠批表現強差人意，更不時有網民表示Eason已跟全盛時期相距甚遠。不過網民大多也是「口裏說不、身體卻很誠實。」「陳奕迅開騷」五個字一見街，照樣爭崩頭。
自2013年紅館的《Eason's Life》後，Eason已經有4年沒在香港開騷。
Eason宣布將於10月11、12號一連兩日在旺角麥花臣場館舉行個唱，今次演唱會主題環繞全新國語碟的內容，Eason最近在內地節目《中國新歌聲》擔任導師密密亮相，難道今次演唱會也是全國語歌？近年大星流行到「細場」開騷，不知是否可以跟樂迷近距離接觸「太好Feel」的關係，所以令Eason亦心郁郁希望試下開細場。《陳奕迅Eason says C'mon in~ Tour 2017》門票將於明天公開發售，兩場麥花臣加埋其實只得4000個位，想要成功撲飛也只能祝你好運。不過稍後時間Eason將召開記者會，希望他能為大家帶來好消息，加開幾場等樂迷都有機會睇騷啦！
近日為《中國新歌聲》擔任導師，聽得佢講國語多，廣東話好耐無聽過。希望佢開騷都可以唱廣東歌啦！