陳柏宇紅館騷黃牛炒到3000蚊　隱世歌手只欠一個男歌手金獎

陳奕迅（Eason）貴為香港樂壇一線歌手，當代香港歌神，相信無人會質疑。不論他在什麼場地開騷，在10分鐘內賣完門票，也是理所當然。不過同樣姓陳，又係叫「阿神」的Jason陳柏宇，被指是香港樂壇隱世之聲的他，今年12月將初登紅館，他用了一日多的時間把兩場紅館飛賣完，連單丁位也沒有，成績的確令人鼓舞。足証在香港樂壇只要有實力，一樣有人支持。更可況他的演唱會在黃牛市場同樣有價有市，陳柏宇的門票更炒高至3千幾蚊。

問到陳柏宇昨日曾在Facebook開留言表示「unbelievable!! 得返少量嘅單丁位！幫幫手，買埋佢啦！」，是否曾擔心賣唔哂演唱會飛？他回應：「其實我由頭到尾都唔係好理賣飛情況，賣唔賣到都唔會影響我，我都會做好個騷，將最好嘅表演拎出嚟畀人睇，最緊要有得做，有得玩！」不過說到底Jason的紅館騷已經連單丁位都沒有了。至於會不會加場，Jason表示：「檔期已經定好哂唔會再加，不過當我知道賣晒飛時，都忍唔住大嗌咗一聲，其實喺我心目中，真係開兩場都已經心足！係大家畀機會我，我會好好珍惜呢個機會，用最好嘅演出嚟報答在場所有嘅觀眾。約定紅館見，不見不散！」

對於只花了一日多少少的時間賣完演唱會門，Jason難以用言語來表達，所以他拍了一條搞笑短片並上載到個人專頁，用行動來答謝大家支持。（點擊以下短片，短片來源自陳柏宇Facebook 專頁）

「我陳柏宇肉麻嘢我講唔出口。但係我係真心多謝你哋嘅支持。陳柏宇嘅首次紅館演唱會2場門票，已經全部賣哂。我自己都嚇一跳。買到飛嘅朋友又或者賣唔到飛嘅朋友，你哋嘅支持已經刻咗係我個心裡面。12月2號3號我應承大家，我將會以最好狀態演出報答大家。完！」