江若琳開騷提合約糾紛 感激律師好友：幫我爭取公義
撰文：史順宜
出版：更新：
一連兩晚的《我只不過是江若琳演唱會》2017於九展展覽廳舉行，現場座無虛席。來到最後一晚有不少江若琳（Elanne）的圈中好友到場支持，包括有張紋嘉、王宗堯、吳若希及JW等等。
歌手JW與卓悅太子爺男友Tazan結伴睇騷。（張浩維攝）
Elanne 男友Oscar（蕭潤邦）在開騷前忙於為女友演唱會打點。（張浩維攝）
演唱會正式開始，江若琳先以結他自彈自唱英文歌《Blowing In The Wind》為最後一晚的演唱會打開序幕，接住唱出國語作品《最好的時光》。唱罷Elanne開始與現場歌迷互動：「Hello大家好嗎？希望今晚大家唔好當係一個演出，今晚係老朋友聚會。希望可以用今晚同大家回憶過去十年嘅種種。」然後唱出初出道作品《撒嬌》和《夢景日和》。
江若琳以一身性感白色大露背戰衣出場。（攝：張浩維）
江若琳大露背真係殺死唔少男fans。（張浩維攝）
江若琳今晚真係好靚，冇去睇Live嘅朋友真係可惜！（張浩維攝）
+9
唱到《傻豬》時，江若琳到台下向歌迷派禮物，令歌迷非常興奮。派完禮物，在台下的她唱出《鬥氣》並走遍全場與大家握手。打扮性感的她非常親民，令不少男粉絲上前與女神握手，氣氛猶如紅館演唱會。唱罷《鬥氣》後，Elanne向粉絲說：「今日見到好多朋友，你哋都係最錫江若琳，最支持江若琳嘅人！」接著唱出她第一個演唱會的主題曲《Show You》，與一眾女Dancer邊唱邊跳，絕不馬虎。現場歌迷也一齊企起身，氣氛高漲如開party一樣。唱到《Show You》後段時，Elanne更把坐在第一排觀眾席的朋友鍾舒漫、張紋嘉及吳若希叫上台一起唱。
非常興奮的Elanne叫到場朋友上台一起唱。（張浩維攝）
江若琳在台上與大家分享過去幾年的故事：「 今晚大家唔好當我係歌手，在場只得好朋友！」又謂：「呢幾年我去過好多地方，因為發生一件事（與前老闆的合約糾紛）。今晚我嘅律師朋友都在場，佢今日生日都嚟支持我。佢真係好努力幫我爭取公義，好多謝你！多謝在座每一位都畀力量我。」又講到：「好多人話劇組飯唔好食，但我覺得劇組飯係最好食，因為我有工開，我會珍惜每一個劇組飯。」誠意令人感動。
江若琳感謝在座每一位令她有力量面對各種問題。（張浩維攝）