聽足一個鐘只得一首廣東歌 G.E.M.紅館騷翻唱歌太多?
撰文：彭嘉彬
出版：更新：
G.E.M.終於無著皮褲啦!呢套衫咪幾好睇! (梁碧玲攝)
G.E.M.鄧紫棋一連三晚的《Queen of Hearts世界巡迴演唱會》香港站今晚在紅館揭開序幕。事隔2年再於紅館舉行個唱，頭場粉絲一早已入場拿出螢光棒等睇騷。演唱會準時8點半以一曲《A.I.N.Y.》打響頭炮，G.E.M.身穿鮮紅色連身裙現身5米高舞台，為切合演唱會主題，連身裙的胸口位置更剪出一個心形，被喻為「時裝車禍」的G.E.M.亦似乎接受網民意見，沒有穿上皮褲，換之而來是一對長皮靴，做出「絕對領域」的效果。
G.E.M.表示第五次踏足紅館舞台，感覺仍然震撼。 (梁碧玲攝)
重返紅館舞台，G.E.M.亦相當識做，大叫:「香港嘅朋友你哋好嘛!」雖然場內不少來自五湖四海的粉絲，不過亦先唱出一首廣東作品《What Have U Done》，滿足一下香港樂迷。不過一首廣東作品後，還是要先吊一吊癮，切換回國語頻道，除了自家作品《我不懂愛》外，更翻唱一系列他人的作品，《你不是真正的快樂》、《死了都要愛》，耐聽度十足。
驟眼望G.E.M.條褲仲以為係牛仔褲，望真啲先發現「膠膠哋」，係幾特別嘅! (梁碧玲攝)
睇G.E.M.演唱會，除咗聽歌外，識睇一定要睇服裝，唱到《我的秘密》時，G.E.M.已換上sports bra及格仔裙，還有一條「膠味濃」的漁網長褲，到底G.E.M.對質感有幾執著?
講返正經，G.E.M.參加《我是歌手》時曾翻唱不少國語作品，首首也成為大熱，《存在》、《龍捲風》、《你把我灌醉》，這些作品亦一一紅館舞台上重現。以歌論歌，G.E.M.的實力加上好拍檔Lupo Groinig的編曲，當然首首也好聽，但每Part也加插翻唱作品，換之而來卻是聽足一小時，也只聽到一首廣東作品，好想快啲聽到《Where did you go》、《睡公主》呢啲早期作品呀!
Lupo Groinig手結他係幾厲害，佢仲High到舉高支結他嚟彈。 (梁碧玲攝)
+9