【一首歌】鄭融周柏豪《一事無成》 「難成大器但我愛得起」
撰文：黃浩晉
出版：更新：
早前鄭融同連詩雅開騷都有唱到《一事無成》，不過始於鄭融同周柏豪男女合唱有feel啲，因為話晒首歌係唱出男女拍拖時嘅無力感，雖然你會話MK歌，但就唔信你冇喺K房唱過。
再講唔係個個男仔都好似張敬軒咁音域夠闊，真假音都唱得咁靚，始終都係周柏豪嘅歌「平易近人」啲，各位男仔只要放膽啲就唱到，不過當然都要留意番音準啦，如果唔係好易變成讀歌。
其實唱K都係求開心啫，當你見住個個好似G.E.M.咁飆高音嗌咪，但自己又唔係咁唱得，唔通坐成晚食雞翼咩！好彩有周柏豪出現，真係可以話係男士唱K福音！